Tehnologııa • 05 Qazan, 2021

Ashyq-taǵy ózgeris: QR-kod skanerleýdiń qajeti joq

173 ret kórsetildi

Aitu qosymshasyn shyǵarýshylar jańa fýnksııany iske qosty. Sonyń arqasynda Ashyq-taǵy kovıd-statýsyn birden kórsete salýǵa bolady, dep habarlaıdy Egemen.kz.

Android negizinde jumys isteıtin telefon arqyly jańa fýnksııany paıdalaný úshin aldymen Google Play-dan Aitu qosymshasyn júktep, avtorızasııadan ótý kerek. Odan keıin «Qosymshalar» bóliminde Ashyq-qa kirip, «Úı ekranyna qosý» batyrmasyn basý qajet. iOS smartfonyn paıdalanatyn adamdar da dál solaı isteıdi.

Ústinde qosymshanyń ataýyna basqannan keıin QR skanerdi jaýyp tastaıdy. Sodan soń «Bólisý» jáne «Kóshirme jasaý» batyrmasyn basady. Osylaısha, qosymshanyń ózine silteme kóshiriledi. Odan keıin siltemeni braýzerge salyp, «bólisýdi» basyp, «úıge ekranǵa» degendi tańdaý qajet. iOS qoldanýshylary qosymshaǵa óz ataýyn da bere alady.

«Búginde QR-kodty skanerleý úshin aldymen avtorızasııadan ótý kerek. Al Aitu-daǵy jańa fýnksııanyń arqasynda avtorızasııa saqtala beredi. Sonyń arqasynda qosymshany eshbir shekteýsiz paıdalanýǵa múmkindik bar. Bul degenimiz, telefondy buǵattan shyǵarǵannan keıin qosymshany birden iske qosýǵa bolady. Osy fýnksııa ýaqytty únemdeýge kómektesedi», - BTS Digital menedjeri Nursultan Ahmetov.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar