Qazaqstan • 05 Qazan, 2021

Balaeva Pákistan men Ulybrıtanııanyń din ókilderimen kezdesti

450 ret

kórsetildi

1 mın

oqý úshin

Búgin Aqparat jáne qoǵamdyq damý mınıstri Aıda Balaevanyń Islamabad halyqaralyq ıslam ýnıversıtetiniń Islamdy zertteý ınstıtýtynyń bas dırektory Muhammed Zııa ýl-Hakpen, sondaı-aq Anglıkan shirkeýiniń ókili, Dorkıng qalasynyń epıskopy Djo Beılı Ýellspen kezdesýleri ótti, dep habarlaıdy Egemen.kz atalǵan mınıstrliktiń baspasóz qyzmetine silteme jasap.

Janbolat Kenjeǵul

Balaeva Pákistan men Ulybrıtanııanyń din ókilderimen kezdesti

Pákistan men Ulybrıtanııanyń din ókilderi 6 qazanda Nur-Sultanda ótetin Hatshylyqtyń XIX otyrysyna qatysý úshin Qazaqstanǵa kelgen bolatyn.

Búgin Sezd Hatshylyǵynyń Jumys tobynyń otyrysy ótip, onyń barysynda kún tártibindegi máseleler, VII Sezdiń taqyrybyn talqylaý jáne ony ótkizý formaty jóninde pikir almasý ótti.

Esterińizge sala keteıik, Álemdik jáne dástúrli dinder kóshbasshylary Seziniń Hatshylyǵy – Sezdiń jumys organy bolyp tabylady. Atalmysh Hatshylyq Sezdiń otyrystary arasyndaǵy qyzmetti qamtamasyz etedi. Bul jumys organ (Hatshylyq) 2003 jyly Qazaqstan astanasynda ótken birinshi Sezd qatysýshylarynyń sheshimine sáıkes qurylǵan.

Muhammed Zııa ýl-Hak pen Djo Beılı Ýellge mınıstr Aıda Balaeva hatshylyq jumysyna qatysqany úshin rızashylyǵyn bildirdi.

Ol Elbasy Nursultan Nazarbaev bastamashy bolǵan Álemdik jáne dástúrli dinder kóshbasshylarynyń sezi dinder dıalogyn júzege asyrý jáne kelisilgen sheshimder qabyldaý úshin turaqty jumys isteıtin halyqaralyq konfessııaaralyq ınstıtýtqa aınalǵanyn atap ótti.