Elimiz táýelsizdik alǵaly baba murasyn qasterlep, keıingi urpaqqa úıretý baǵytynda eńbektenip júrgender joq emes. Dese de, salada qordalanǵan másele kóp. Búrkitshilik týraly ádistemelik oqýlyq daıyndaý qajet. Túrli sharalarda bekzada ónerge tóreshilik etip júrgenderge arnaı kýálik te berilmeıdi. Jıynda sala mamandary saıatshylyq ónerin damytýǵa bar ynta salatyndaryn aıtty. Atatlǵan máselege qatysty Qazaqstan Prezıdentiniń baspasóz hatshysy, Qusbegilik federasııasynyń prezıdenti Berik Ýálı pikir bildirdi.
– Búrkitshilerdiń únemi qozǵap júrgen máselesi – ol búrkitterin jarystarǵa barar kezde poıyzben tasymaldaýy bolyp otyr. Temirjolmen barady. Kýpede alyp júrgen kezde jolserikter erejede joq dep túsirip tastaıdy eken. Olardyń erejesi boıynsha búrkitti torǵa salyp júrý kerek eken. Al búrkitti torǵa salsa, ol usha almaı qalady. Bylaısha aıtqanda tomaǵa, baldaǵymen torsyz-aq alyp júrýge yńǵaıly. Bul másele sheshiledi dep oılaımyn, - dedi Qusbegilik federasııasynyń prezıdenti Berik Ýálı.
