Nur-Sultan qalasynda QR IIDM Azamattyq avıasııa komıtetiniń jáne Lıtvanyń azamattyq avıasııa basshylyǵynyń kezdesýi ótti.
Onda «Nur-Sultan – Vılnıýs» jáne «Almaty – Vılnıýs» turaqty áýe baǵyttaryn ashý, oǵan Vengrııanyń «Wizz Air» áýe kompanııasyn operator etip taǵaıyndaý máselesi qaraldy. Reısterdi 2022 jyldyń 1 toqsanynda ashý josparlanyp otyr.
Mınıstrlikten málim etkendeı, QR IIDM Azamattyq avıasııa komıteti tóraǵasynyń orynbasary Saltanat Tompıeva jáne Lıtvanyń Kólik jáne kommýnıkasııa mınıstrligi Jol jáne avıasııalyq kólik saıasaty tobynyń jetekshisi Vladıslav Kondratovıch áýe tasymaldary salasyndaǵy yntymaqtastyq máselelerin talqylap, turaqty reısterdi ashý nıeti kórsetilgen hattamamen almasty.
«Bul másele boıynsha túpkilikti sheshim eki eldiń koronavırýs ınfeksııasynyń taralýyna jol bermeý jónindegi vedomstvoaralyq komıssııalary ushýǵa ruqsat bergennen keıin qabyldanady», delingen vedomstvonyń baspasóz habarlamasynda.
