«Sońǵy táýlikte shekaradan 674 adam ótken, sonyń ishinde 409-y - jaıaý azamat, al 286 adam – fýra júrgizýshileri. Karantın stasıonaryna bes qazaqstandyq azamat jatqyzylǵan, kólik ótkelderinde koronavırýs ınfeksııasynyń rastalǵan oqıǵalary tirkelgen joq», dep habarlady Pavlodar oblystyq sanıtarlyq-epıdemıologııalyq qadaǵalaý departamentinen.
Sonymen qatar, táýlik ishinde TMD-nyń tórt azamatyna: bir reseılik, eki ózbekstandyq jáne bir qyrǵyzstandyq azamatqa elge kirýge ruqsat etilmegen. Olar memlekettik shekarada PTR anyqtamasyn usynbaǵan, osy sebepti elge kirgizilmedi.
Eske sala ketsek, ótken aptada Qazaqstanǵa Pavlodar oblysyndaǵy memlekettik shekaradan osy sebeppen Reseıdiń eki azamaty men bir ózbekstandyq jiberilmegen.
