Qazaqstan • 19 Qazan, 2021

Nobel syılyǵynyń laýreattary onlaın formatta dáris oqıdy

72 ret kórsetildi

Elimizde ǵylymı-bilim berý áleýetin damytý maqsatynda III Nobel Fest sharasy onlaın formatta ótedi, dep habarlaıdy Egemen.kz OKQ-ǵa silteme jasap.

Nobel Fest - jylyna eki ret ótkiziletin Eýrazııa qurlyǵyndaǵy eń aýqymdy jáne bedeldi is-sharalarynyń biri. Onyń aıasynda Nobel syılyǵy laýreattarynyń dáristeri ótedi. Sharanyń negizgi maqsaty – QR, Ortalyq Azııa, Kavkaz memleketterindegi túrli salada jumys isteıtin azamattarǵa álemdegi eń myqty Nobel syılyǵy ıegerlerimen, belgili ǵalymdarmen, bıznes salasyndaǵy tanymal adamdarmen jumys isteýge múmkindik berý. Bul týraly Ortalyq kommýnıkasııalar qyzmetinde ótken brıfıngte G-Global Halyqaralyq Hatshylyǵynyń basshysy Serik Nógerbekov málim etti.

Onyń aıtýynsha, qazirgi zamandaǵy eń basty másele – adamı kapıtal. On jyl buryn álemdegi eń qymbat kompanııalar shıkizat pen qarjy salasyndaǵy kompanııalar bolsa, búginde eń úzdik 10 kompanııanyń 8-i adamı kapıtaldy keńinen paıdalanatyn tehnologııalyq ınnovasııalyq kompanııa bolyp tabylady.

 
«Mysaly, buryn ǵalymdar negizinen bilim jáne ǵylym salasynda jumys istese, qazir kompanııalar janynan úlken ǵylymı ınstıtýttar qyzmet etedi. Olar ǵalymdardyń adamı kapıtaldardy keńinen paıdalanýynyń arqasynda úlken jetistikterge, progreske qol jetkizip otyr. Damyǵan elderde jastar, stýdentter, ustazdar men Nobel syılyǵynyń laýreattary, úlken ǵalymdar arasynda kezdesýler ótkiziledi. О́kinishke qaraı, damýshy elderde ondaı kezdesýler az. III Nobel Fest sharasyn memlekettik emes uıymdar uıymdastyryp otyr. Úshinshi Nobel festıvaliniń aıyrmashylyǵy – ony jalǵyz Qazaqstanda ǵana emes, О́zbekstanda, Ázerbaıjanda ótkizip jatyrmyz. Bolashaqta sharany odan ári damytý josparlanǵan. Áriptesterimnen festıvaldi keńinen nasıhattaýlaryn suraımyn. Sebebi adamdar neǵurlym kóp qatyssa, soǵurlym tıimdi bolady»,  dedi S.Nógerbekov.

 
G-Global halyqaralyq hatshylyǵynyń basshysy festıvaldiń tegin ótkiziletinin atap ótti. Qatysýshylar dáriskerlerge suraq qoıa alady, sondaı-aq, bilim alady.

Sońǵy jańalyqtar

Álimhanuly-Andrade: Toǵyz aı kútken tolǵaqtaı

Kásipqoı boks • Búgin, 20:35

Japon teńizine 8 tonna kómir tógildi

Oqıǵa • Búgin, 19:35

Ýsık aqsha usynsa, Djoshýa kúte turady

Kásipqoı boks • Búgin, 19:20

Jalǵas qarsylasyn jazalaýǵa daıyn

Jekpe-jek • Búgin, 18:30

Almatyda 5G jelisi iske qosyldy

Tehnologııa • Búgin, 18:05

Pavlovtyń kezekti jekpe-jegi Máskeýde ótedi

Kásipqoı boks • Búgin, 16:50

Jeńilisten keıingi jańa qadam

Kásipqoı boks • Búgin, 16:05

Belarýssııa referendým ótkizedi

Álem • Búgin, 13:05

30 soqqy – 1 gol

Fýtbol • Búgin, 12:51

Uqsas jańalyqtar