Tilderdi damytý basqarmasy basshysynyń mindetin atqarýshy Sveta Ganıeva mundaı usynys qoǵam belsendileri men depýtattardan kelip túskenin aıtty.
«Nur Otan partııasy janyndaǵy «Mıras» qoǵamdyq keńesiniń músheleri men oblystyq máslıhat depýtattary «Oral» halyqaralyq áýejaıy» JShS ataýyn ózgertý týraly usynys jasady. Áýejaıǵa Keńes Odaǵynyń Batyry Mánshúk Mámetovanyń esimin berý týraly usynysty qoldaýdy suraımyn», dep atap ótti Sveta Ǵanıeva.
Depýtattar usynysty biraýyzdan qoldady.
Mánshúk Mámetova - Oral oblysynyń (qazirgi BQO) týmasy, Uly Otan soǵysyna qatysýshy. Ol Qyzyl Armııada pýlemetshi bolyp qyzmet etti. Ol 1943 jyldyń kúzinde qaıtys boldy, sońǵy shaıqasta 70-ten astam jaýdy joıdy. Qaıtys bolǵannan keıin oǵan Keńes Odaǵynyń Batyry ataǵy berildi.
