Qoǵam • 20 Qazan, 2021

Nur Otan: Bilim jáne densaýlyq saqtaý nysandaryna bólinetin qarajat maqsatsyz jumsalady

60 ret kórsetildi

Qurylys, bilim berý jáne densaýlyq saqtaý nysandaryn jóndeý jáne jańǵyrtý salasyndaǵy túıindi máseleler «Nur Otan» partııasy Partııalyq baqylaý komıtetiniń otyrysynda qaraldy, dep habarlaıdy Egemen.kz.

Partııanyń baspasóz qyzmeti habarlaǵandaı, «Nur Otan» saılaýaldy baǵdarlamasynda osy jyly 200 jańa mektep salý jáne jumys istep turǵan 1000 mektepti jańǵyrtý qarastyrylǵan. Alaıda, Partııalyq baqylaý komıteti músheleriniń pikirinshe, respýblıkalyq jáne óńirlik jol kartalarynyń keıbir taraýlary oryndalmaı qalýy múmkin.

«Bul jerde bir ǵana Bilim jáne ǵylym mınıstrliginiń jumysy jetkiliksiz. Ákimdikter de belsendilik tanytýy tıis. Qazir jergilikti atqarýshy organdar tarapynan bıyl bólingen bıýdjet qarajatyn ıgerýdiń qarqyny tómen ekeni baıqalady», dedi vıse-mınıstr Bıbigúl Asylova.

Partııanyń saılaýaldy ýádelerinde belgilengen taǵy bir mańyzdy mindet – densaýlyq saqtaý nysandaryn salý jáne jóndeý.

Partııalyq baqylaý komıteti jumys tobynyń qorytyndysyna sáıkes, qazirgi ýaqytta barlyq óńirlerde bilim berý jáne densaýlyq saqtaý nysandaryn salýǵa, kúrdeli jóndeýge jáne jańǵyrtýǵa bólinetin qarajatty maqsatsyz paıdalaný máseleleri bar.

Osy rette salynyp jáne jóndelip jatqan bilim berý men densaýlyq saqtaý nysandaryn sapasyz josparlaý jáne jobalaý, qurylys sapasyn tıimdi baqylaýdyń bolmaýy, smetalyq qunyn negizsiz kóterý, oryndalmaǵan jumys kólemi úshin aqy tóleý, balalardy apattyq jaǵdaıdaǵy ǵımarattarda oqytý jáne t. b. faktiler atap ótildi.

Otyrys qorytyndysy boıynsha Partııalyq baqylaý komıteti Bilim jáne Densaýlyq saqtaý mınıstrlikterine 1 jeltoqsanǵa deıin ár óńirdegi barlyq bilim berý jáne densaýlyq saqtaý mekemelerine tolyq tekserý júrgizýdi, qurylysty qarjylandyrý ádistemesin qaıta qaraýdy jáne MJÁ sheńberinde salynyp jatqan nysandar úshin memlekettik úlgi standarttar men jobalardy bekitýdi mindettedi.

Sonymen qatar, Bilim jáne ǵylym mınıstrligine 15 qarashaǵa deıin anyqtalǵan máselelerdi kórsete otyryp, ınternattardyń monıtorıng nátıjelerin taldaý jáne ákimdikterge jiberý, osy problemalardy sheshýdiń naqty merzimderi men joldaryn qamtıtyn 2021-2025 jyldarǵa arnalǵan ınternat mekemelerin salý men jóndeýdiń egjeı-tegjeıli josparyn ázirleý usynyldy.

«Partııanyń óńirlik fılaldary áleýmettik nysandardy salý jáne jóndeý boıynsha jobalardyń iske asyrylýyna muqııat taldaý júrgizýi kerek. Túrli jónsizdik faktileri anyqtalǵan jaǵdaıda, kináli jaýapty tulǵalarǵa – partııa múshelerine partııalyq jazalaý sharalaryn qoldaný qajet», dep túıindedi komıtet tóraǵasy Artýr Platonov.

Partııa baspasóz qyzmetiniń málimetinshe, bıýdjet qarajatyn tıimsiz jumsaý faktilerine jol bergeni úshin «sógis» túrindegi partııalyq jazalaý sharasyna Almaty oblysy densaýlyq saqtaý basqarmasynyń basshysy О́mirzaq Nııazbekov, Qyzylorda oblysy bilim basqarmasynyń basshysy Aqzıra Qasymova jáne densaýlyq saqtaý basqarmasynyń basshysy Sábıt Pazylov, al «eskertý» túrindegi jazaǵa Qostanaı oblysy bilim basqarmasynyń basshysy Záýre Báımenova jáne Qostanaı aýdanynyń ákimi Jansultan Táýkenov tartylady.

Partııalyq baqylaý komıteti suratqan resmı aqparatty ýaqytynda usynbaǵany úshin Pavlodar oblysy ákimi apparatynyń basshysy Nurlan Dúısembınovke jáne Aqtóbe oblysy ákimi apparatynyń basshysy Qaırat Raıymqulovqa «eskertý» beriledi.

 

Sońǵy jańalyqtar

Álimhanuly-Andrade: Toǵyz aı kútken tolǵaqtaı

Kásipqoı boks • Búgin, 20:35

Japon teńizine 8 tonna kómir tógildi

Oqıǵa • Búgin, 19:35

Ýsık aqsha usynsa, Djoshýa kúte turady

Kásipqoı boks • Búgin, 19:20

Jalǵas qarsylasyn jazalaýǵa daıyn

Jekpe-jek • Búgin, 18:30

Almatyda 5G jelisi iske qosyldy

Tehnologııa • Búgin, 18:05

Pavlovtyń kezekti jekpe-jegi Máskeýde ótedi

Kásipqoı boks • Búgin, 16:50

Jeńilisten keıingi jańa qadam

Kásipqoı boks • Búgin, 16:05

Uqsas jańalyqtar