Ekonomıka • 21 Qazan, 2021

543 mlrd teńgeniń ónimi óndirildi

46 ret kórsetildi

Qyzylorda oblysynyń toǵyz aıdaǵy áleýmettik-ekonomıka­lyq damý qorytyndysy birqatar salada ósim bar ekenin kór­setip otyr. Jyl basynan beri oblystaǵy ónerkásip kásip­oryndary 543 mlrd teńgeniń ónimin óndiripti. Onyń ishinde paıdaly qazbalardy óndirý – 5,3, taý-ken óndirý ónerkásibinde qyzmet kórsetý – 13,6 jáne óńdeý ónerkásibi 12,6%-ǵa artqan.

Budan bólek, jeńil óner­kásip ónimderin óndirý – 2,6, ózge de beımetall mıneraldyq ónim­derdi óndirý 2 esege ul­ǵaıypty. Tamaq ónimderin óndirý salasy – 12,5, al mashınalar men jabdyqtardy jóndeý jáne ornatý – 48,4, jıhaz óndirý 20,6%-ǵa kóbeıgen. Hımııa ónerkásibi ónimderi, koks jáne munaı óńdeý, rezeńke jáne plastmassa buıymdardy óndirý de edáýir artqandyqtan óńdeý ónerkásibiniń ósimi 12,6 paıyzǵa jetti. Jyl basynan beri óńdeý ónerkásibi salasynda 123,8 mlrd teńgeniń ónimi óndirilipti.

Aımaqtyń damý qarqynyn sıpat­taıtyn eń mańyzdy kórset­kish­teriniń biri ınvestısııa tar­tý ekendigi anyq. Jyl basy­nan beri óńir ekonomıkasyna 186,4 mlrd teń­geniń ınvestısııa­sy salyn­ǵan. Qarjy tartý Data Cen­ter ǵıma­raty, Syrdarııa ózeni­niń sol ja­ǵa­­­laýyndaǵy turǵyn úı­ler qu­ry­lysy, joldar, sýmen jab­dyq­taý, Qyzylorda qalasyn­daǵy shyny zaýytynyń qurylys-montajdaý jumystary esebinen artyp otyr.

Qańtar-qyrkúıek aılarynda jalpy quny 63,1 mlrd teńge bolatyn qurylys jumystary júzege asyrylǵan. Onyń ishinde 502,4 myń sharshy metr turǵyn úı paıdalanýǵa berildi. Qurylys qarqynynyń ótken jyldyń osy kezeńimen salystyrǵanda edáýir artqany baıqalady.

Aýyl sharýashylyǵy ónim­deriniń kólemi 119,9 mlrd teńgege jetip, byltyrǵydan artty. Toǵyz aı ishinde óńirde jalpy eseppen tiri salmaqta 26,9 myń tonna mal jáne qus eti, 66,7 myń tonna sút, 5,7 mln dana ju­myrtqa óndirildi.

Bıyl turǵyndardy, onyń ishinde jastardy turaqty ju­mys­pen qamtamasyz etýge basa mán berildi. Bos jumys oryndary jármeńkeleri júıeli uıym­dastyryldy. Esepti kezeńde 25 033 jańa jumys orny quryldy, onyń 12 372-si turaqty.

О́ńir ekonomıkasynyń da­mýy­na yqpal etetin taǵy bir sala – shaǵyn jáne orta kásipkerlik. Osy jyldyń qańtar-qyrkúıek aılarynda oblysta jumys istep turǵan shaǵyn jáne orta bıznes sýbektileriniń sany 6,6%-ǵa artyp, 50 596-ǵa jetti. Buǵan bızneske baǵyttalǵan memlekettik qoldaý sharalary áser etkenin aıta ketýimiz kerek. Jalpy bıyl aımaqta bıznesti damytýǵa shamamen 23,8 mlrd teńge baǵyttaldy.

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Bek pen Aıdos jattyǵýǵa kiristi

Kásipqoı boks • Keshe

Uqsas jańalyqtar