Bilim • 21 Qazan, 2021

Almatyda jańa ýnıversıtet ashyldy

124 ret kórsetildi

Almatyda De Montfort University Kazakhstan halyqaralyq ýnıversıteti ashyldy, dep habarlaıdy Egemen.kz.

Almaty ákimi De Montfort University Kazakhstan ýnıversıtetiniń rektory Djeıms Paýndermen kezdesti. Taraptar jumystyń perspektıvalyq josparlaryn talqylady. Máselen, oqý baǵdarlamasyna IT, kreatıvti ındýstrııa boıynsha mamandyqtar engiziledi. Bul baǵyttarǵa Almatynyń 2050 jylǵa deıingi damý strategııasynda erekshe kóńil bólingen.

Bul Qazaqstanda oqytýǵa lısenzııa alǵan jáne úzdik bilim berý standartyn engizý úshin qurylǵan alǵashqy sheteldik ýnıversıtet. Túlekterge DMU Lester Ýnıversıteti (Ulybrıtanııa) dárejesi beriledi.

«Bizdiń jastarymyz Almatydan ketpeı-aq bedeldi joǵary oqý ornynda joǵary bilim alý múmkindigine ıe bolady. Qyzyǵýshylyq bildirgender az emes. Birinshi kýrsqa 700 talapker úmitker boldy. Bakalavrıatqa 145 stýdent tústi. Kelesi jyldan bastap magıstratýra ashylady», dep atap ótti Baqytjan Saǵyntaev.

Jańadan ashylǵan JOO-da oqytý dárister, beıresmı semınarlar, praktıkalyq sabaqtar, master-klastar, pikirtalastar jáne onlaın oqytý arqyly júzege asyrylady. Sabaqtardy halyqaralyq deńgeıdegi joǵary bilikti oqytýshylar ótkizedi. Oqytýda bolashaq menedjerler men kásipkerlerdiń praktıkalyq daǵdylaryn tereńdetip damytýǵa yqpal etetin naqty bıznes-keıster men oqý tásilderi qoldanylady.

Jalpy, ýnıversıtet Almatyda 20 mln dollar ınvestısııamen álemdik deńgeıdegi jeke kampýstyń qurylysyn bastaýǵa nıet bildirýde.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar