Taǵaıyndaý • 22 Qazan, 2021

Eńbek jáne halyqty áleýmettik qorǵaý vıse-mınıstri taǵaıyndaldy

283 ret

kórsetildi

1 mın

oqý úshin

Rýslan Sákeev Qazaqstan eńbek jáne halyqty áleýmettik qorǵaý vıse-mınıstri bolyp taǵaıyndaldy, dep habarlaıdy Egemen.kz.

Gaýhar QAPASh

Eńbek jáne halyqty áleýmettik qorǵaý vıse-mınıstri taǵaıyndaldy

«Qazaqstan Úkimetiniń qaýlysy boıynsha, Rýslan Keńesaruly Sákeev Qazaqstan Respýblıkasynyń eńbek jáne halyqty áleýmettik qorǵaý vıse-mınıstri laýazymyna taǵaıyndalady», delingen habarlamada.

Rýslan Sákeev 1978 jyly Soltústik Qazaqstan oblysynda dúnıege kelgen. Qazaq memlekettik zań ýnıversıtetin, Qaraǵandy «Bolashaq» ózekti bilim berý ınstıtýtyn bitirgen. Eńbek jolyn 1999 jyly Qazaq gýmanıtarlyq zań ýnıversıteti fılıalynyń oqytýshysy bolyp bastaǵan.

1999-2003 jyldary Qazaq gýmanıtarlyq zań ýnıversıtetinde túrli qyzmetter atqardy. 2003 jyly Parlament Senaty depýtatynyń kómekshisi boldy.

2003-2005 jyldary Qaraǵandy oblysynyń Ishki saıasat departamentinde túrli laýazymdardy atqardy.

2005-2006 jyldary - Qaraǵandy oblysy ákimi apparatynyń áleýmettik baǵdarlamalar men adamı faktorlardy taldaý jáne monıtorıng bóliminiń meńgerýshisi.

2006-2007 jyldary - QR ÁM Din isteri komıtetiniń saraptama jáne tirkeý basqarmasy basshysynyń orynbasary. Ár jyldary jeke sektorda jumys istegen.

2014-2015 jyldary - QR BǴM «Tehnıkalyq jáne kásiptik bilim berýdi jańǵyrtý» jobasyn basqarý toby jobasynyń jetekshisi.

2017-2019 jyldary - Mańǵystaý oblysy ákiminiń keńesshisi; ákim orynbasary.

2019 jylǵy qazannan bastap qazirgi ýaqytqa deıin - «Konfessııaaralyq jáne órkenıetaralyq dıalogty damytý jónindegi N. Nazarbaev ortalyǵy» KEAQ basqarma tóraǵasynyń orynbasary.

2020 jylǵy naýryzdan qazirgi ýaqytqa deıin QR Tuńǵysh Prezıdenti – Elbasy Nursultan Nazarbaevtyń bastamasymen qurylǵan «BIRGEMIZ» QQ basqarma tóraǵasy boldy.