«Bizde ǵylymnyń róli tómendep ketti. Akademııa degen ardaqty ataýdyń ábden qadirin qashyrdyq. Adamnyń oıyna kelmeıtindeı «akademııalar» bar. Adam tanymaıtyn «akademıkter» bar. Sóılese qalsań óziń uıalasyń. Qarapaıym ǵylymı túsinikterdiń ózin dálme-dál qoldana almaıdy. Eshkimmen aıtysyp-tartysyp, ǵylymı polemıkaǵa túsip kórmegen. О́ziniń qalaı qorǵaǵanyn biletin jańaǵy doktor ǵylymı keńeske múshe bolǵannan keıin endi qorǵaýǵa keletinderge de tıisinshe talap qoıa almaıdy. Qoıǵysy da kelmeıdi», dep jazdy Tóregeldi Sharmanov.
Onyń aıtýynsha, buǵan deıingi kezeńde doktorlyq turmaq, kandıdattyqty qorǵaýdyń ózi ońaı bolmaǵan.
«Qazir kandıdattyq qorǵaý doktorlyq qorǵaýdyń aldyndaǵy «razmınka» sııaqty bolyp qaldy.
Baıaǵy Sátbaev zamanyndaǵy akademııany kókseýimiz shyn máninde kádimgi mıfti, ózimizdiń qııalymyzda ǵana qalǵan mıfti kókseý bolyp shyqty», deıdi akademık.
