Prezıdent • 25 Qazan, 2021

Qazaqstan men Túrikmenstan Prezıdentteri shaǵyn quramda kelissóz júrgizdi

91 ret kórsetildi

Qasym-Jomart Toqaev Ashhabadqa memlekettik sapary barysynda Túrikmenstan Prezıdenti Gýrbangýly Berdimuhamedovpen kelissóz júrgizdi, dep habarlaıdy Egemen.kz.

Kelissózge deıin Táýelsizdik alańynda saltanatty túrde resmı qarsy alý sharasy ótti. Qurmet Qaraýylynyń bastyǵy eki el basshylaryna raport berip, Qazaqstan men Túrikmenstannyń ánurandary shyrqalǵannan keıin Qasym-Jomart Toqaev pen Gýrbangýly Berdimuhamedov bir-birine resmı delegasııalardyń quramyn tanystyrdy.

Saltanatty rásimnen keıin shaǵyn quramda kezdesý boldy. Memleketter basshylary saıası, saýda-ekonomıkalyq, kólik-tranzıt jáne mádenı-gýmanıtarlyq salalardy keńeıtýge erekshe kóńil bóle otyryp, qazaq-túrikmen strategııalyq seriktestiginiń aýqymdy máselelerin talqylady.

Sonymen qatar jahandyq jáne aımaqtyq kún tártibindegi problemalar qarastyryldy. Qazaqstan Prezıdenti baýyrlas Túrikmenstanǵa memlekettik saparmen kelýge shaqyrǵany úshin Gýrbangýly Berdimuhamedovke rızashylyǵyn bildirdi.

«Qasıetti túrikmen topyraǵyna tabanymyz tıgen sátten shynaıy nıetterińizdi kórip, boıymyzdy erekshe sezim bıledi. Ádemi Ashhabad qalasyna taǵy da kelgenime qýanyshtymyn. Qalalaryńyzdaǵy qurylystyń aýqymy men sapasy bizdi tań qaldyrdy. Saparǵa keletin bolsaq, biz buǵan óte tyńǵylyqty daıyndaldyq. Menimen birge Qazaqstan Respýblıkasy negizgi vedomstvolarynyń basshylary da keldi. Biz memleketterimiz arasyndaǵy strategııalyq seriktestiktiń odan ári damýyna tyń serpin beriledi dep senemiz.

Túrikmender – bizge baýyrlas halyq. Halyqtarymyz arasyndaǵy dostyqtyń tamyry tereńde. Kóp nárse bizge ortaq. Bul ortaq shekaramyzǵa da qatysty. Baýyrlas Túrikmenstan halqyna degen nıetimiz taza. Strategııalyq seriktestikti damytý, memleketterimiz arasyndaǵy yntymaqtastyqty nyǵaıtý máseleleri jeke baqylaýymda. Bul – bizdiń saıasatymyzdyń basym baǵyty. Osy sapar barysynda yntymaqtastyǵymyzdyń baǵytyn aıqyndaıtyn asa mańyndy qujattarǵa qol qoıylady dep oılaımyn. Biz burynǵysha halyqaralyq arenadaǵy belsendi yntymaqtastyǵymyzdy jalǵastyra beremiz. Kezinde BUU Bas Assambleıasy maquldaǵan Túrikmenstannyń beıtarap el mártebesine Qazaqstan zor qurmetpen qaraıdy», dedi Qasym-Jomart Toqaev.

Gýrbangýly Berdimuhamedov óziniń shaqyrýyn qabyl alyp, Túrikmenstanǵa saparmen kelgeni úshin Qasym-Jomart Toqaevqa alǵys aıtty.

­«Biz sizdiń memlekettik saparyńyzǵa erekshe mán berip otyrmyz. Túrikmender men qazaqtardyń rýhanı-tarıhı baılanystary tereńde jatyr. Sondyqtan bizdiń qarym-qatynasymyz – árqashan turaqty jáne senimdi. Bul memlekettik saparyńyz halyqtarymyz ben baýyrlas elderimizdiń ıgiligi jolyndaǵy týystyq ári strategııalyq ekijaqty qatynastarymyzǵa tyń serpin berip, ony múlde jańa deńgeıge shyǵarýǵa múmkindik týǵyzary sózsiz. Halyqtarymyzdyń arasyndaǵy yntymaqtastyqty nyǵaıtýǵa qosqan jeke úlesińiz úshin alǵys aıtqym keledi», dedi Túrikmenstan Prezıdenti.

Sońǵy jańalyqtar

Álimhanuly-Andrade: Toǵyz aı kútken tolǵaqtaı

Kásipqoı boks • Búgin, 20:35

Japon teńizine 8 tonna kómir tógildi

Oqıǵa • Búgin, 19:35

Ýsık aqsha usynsa, Djoshýa kúte turady

Kásipqoı boks • Búgin, 19:20

Jalǵas qarsylasyn jazalaýǵa daıyn

Jekpe-jek • Búgin, 18:30

Almatyda 5G jelisi iske qosyldy

Tehnologııa • Búgin, 18:05

Pavlovtyń kezekti jekpe-jegi Máskeýde ótedi

Kásipqoı boks • Búgin, 16:50

Jeńilisten keıingi jańa qadam

Kásipqoı boks • Búgin, 16:05

Uqsas jańalyqtar