Alda – qarbalas kúnder

Keshe Qasym-Jomart Toqaevtyń tóraǵalyq etýimen Parlament Senatynyń bıýro otyrysy boldy, dep habarlady osy palatanyń baspasóz qyzmeti. Palata Tóraǵasy «Qazaq­stan-2050» Strategııasyn iske asyrý máseleleri jónindegi Úki­met­tiń keńeıtilgen otyrysynda Mem­le­ket basshysy Nursultan Nazar­baev alǵa qoıǵan mindetterge qaty­sý­shylardyń nazaryn aýdardy. Tóraǵa atap ótkendeı, Parlament aldynda halyqtyń ál-aýqatyn jaqsartý, kásipkerlikti yntalandyrý, qarjy sektorynyń turaqtylyǵyn nyǵaıtýǵa baǵyttalǵan sharalardy sapaly zańnamamen qamtamasyz etý mindeti tur. Osyǵan baılanysty, Q.Toqaev senatorlardy zań shyǵarý salasynda qarbalas kúnderdiń kútip turǵanyn jetkizip, ónimdi eńbek etýge shaqyrdy. Bıýro músheleri Senattyń al­daǵy 20 aqpandaǵy otyrysynyń kún tártibin bekitti. Atap aıt­qanda, depýtattar Túrkitildes mem­leketterdiń yntymaqtastyq keńesi Hatshylyǵynyń Qarjy­lyq qaǵıdalary týraly keli­sim­di ratıfıkasııalaý týraly, Qazaq­stan Respýblıkasynyń keıbir zańna­malyq aktilerine ekinshi deńgeıdegi bankterdi qaıta uıymdastyrý máseleleri boıynsha ózgerister men tolyqtyrýlar engizý týraly jáne Senattyń Tabıǵatty paıdalaný jáne aýyldyq aýmaqtardy damytý jónindegi turaqty komıtetin qaıta ataý týraly máselelerdi qaraıtyn boldy. Salalyq komıtetterdiń tóra­ǵalary depýtattardyń osy zań jo­balaryn qaraý barysy týraly baıan­dady.