Qashanda senimdi statıstıkalyq derekter qajet

Memleket basshysy Nur­sultan Nazarbaev Sta­tıstıka agenttiginiń tóraǵasy Álıhan Smaıylovty qabyldady, dep habarlady Prezıdenttiń bas­pasóz qyzmeti. Agenttik tóraǵasy 2013 jylǵy qyzmettiń qorytyndylary týraly baıandady jáne aldaǵy kezeńdegi jumystyń perspektıvalyq baǵyttary jóninde aıtty. Memleket basshysy negizgi mem­le­kettik sheshimder qabyldaý úshin senimdi statıstıkalyq derekter qajettigin atap ótti, sondaı-aq, qaıtalanatyn statıstıkalyq aq­pa­rattar jınaqtaýdy odan ári qys­qartýǵa nazar aýdardy. – Elimizdiń ekonomıkalyq damýy úshin senimdi statıstıkalyq derekter, atap aıtqanda, eńbek ónimdiligi, jumyspen qamtý deńgeıi jáne taǵy basqa kórsetkishterdi der kezinde usyný asa mańyzdy. Osynyń bári memlekettik or­gan­dardyń jumysyn jáne mem­lekettik baǵdarlamalardyń iske asyrylýynyń tıimdiligin baǵa­laýǵa múmkindik beredi, – dedi Nursultan Nazarbaev. Qazaqstan Prezıdenti zamanaýı aqparattyq tehnologııalardy memlekettik statıstıkaǵa odan ári engizip, metodıkalyq jáne metodologııalyq bazany jetildirý arqyly onyń sapasyn arttyrý qajettigin atap ótti. Nursultan Nazarbaev halyq pen bıznes úshin ashyq saıasat ustanýdyń, memlekettik sta­tıs­tıkaǵa qoljetimdiliktiń mańyz­dylyǵyna, sondaı-aq, buqaralyq aqparat quraldarymen zańnamanyń statıstıka bóligindegi negizgi ere­jelerdi túsindirý jumysyn odan ári júrgizýdiń máni zor ekenine de toqtaldy. Á.Smaıylov agent­tik óńirler­diń áleý­mettik-ekonomıkalyq da­mý reı­tın­gisin jasap jat­qa­nyn, onda qujat aınaly­myn azaıtý maq­satynda esep­tilik kórsetkishteri eki ese qysqar­tylǵanyn aıtty. Kezdesý qorytyndysynda Mem­leket basshysy birqatar naq­ty tapsyrmalar berdi.