Qazaqstan • 29 Qazan, 2021

Nur Otan shaǵyn qala ákimdikteriniń belsendiligin synǵa aldy

56 ret kórsetildi

Mono jáne shaǵyn qalalardy damytýdyń ózekti máseleleri Nur Otan partııasy janyndaǵy О́ńirlik damý jónindegi respýblıkalyq qoǵamdyq keńes alańynda talqylandy, dep habarlaıdy Egemen.kz.

Ulttyq ekonomıka vıse-mınıstri Álisher Ábdiqadyrov habarlaǵandaı, bıyl 23 qalada 400 km jýyq avtomobıl joldary men ınjenerlik jelilerdi jańǵyrtý úshin respýblıkalyq bıýdjetten 17 mlrd teńge bólindi.

«27 monoqalada 10 myńǵa jýyq adamdy jumyspen qamtyǵan 60 «zákirli» ınvestısııalyq joba iske asyrylýda. Sońǵy 3 jylda monoqalalardyń kásipkerlerine berilgen granttar kólemi 3,5 esege (63-ten 218 mln teńgege deıin), sýbsıdııalaý – 1,6 esege (8,3-ten 13,5 mlrd teńgege deıin), mıkronesıeleý – 1,7 esege (2,6-dan 4,5 mlrd teńgege deıin) ulǵaıdy. Al Arqalyq, Jezqazǵan jáne Jańaózen qalalarydaǵy kólik qarym-qatynasyn jolǵa qoıý máselesin sheshý úshin temir joldar salyndy», dedi Álisher Ábdiqadyrov.

Keńes tóraǵasy, Májilis depýtaty Iýlııa Kýchınskaıa málimdegendeı, búginde elimizdegi 70 mono jáne shaǵyn qalada 2,3 mln-ǵa jýyq adam turady. Alaıda memlekettik qoldaý sharalary olardyń tek bir bóligine ǵana baǵyttalǵan. Keńes tóraǵasy jergilikti atqarýshy organdardyń ózderine basqarýǵa senip tapsyrylǵan qalalardy damytýda belsendiligi men yqylas-yntasynyń tómen ekenin atap ótti.

«Mysaly respýblıkalyq bıýdjet jobasyn talqylaý kezinde biz óńirlerde partııanyń saılaýaldy ýádelerin iske asyrý jónindegi jol kartalaryna engizilgen nysandardyń daıyn jobalaý-smetalyq qujattamasynyń joqtyǵyn kórdik»,  dedi halyq qalaýlysy.

Sondaı-aq Keńes tóraǵasy sheneýnikterdiń iri aglomerasııalar esebinen ýrbanızasııa deńgeıin arttyrý týraly usynysynyń oryndy ekendigine kúmán keltirdi.

«Orta jáne shaǵyn qalalardy damytý, olardyń bazasynda óńirlerde tartylys núktelerin qurý arqyly ýrbanızasııa tujyrymdamasy qashan ózgerdi? Shaǵyn qalalardan kóship kelgen azamattardyń baspana, jumyspen qamtý máselelerin qalaı sheshemiz? Búginde shaǵyn qalalardyń turǵyndary ol jaqtaǵy páterlerin satyp, iri qalada baspana satyp ala almaıdy»,  dedi Iýlııa Kýchınskaıa.

Keńes tóraǵasynyń orynbasary, saıasattanýshy Marat Shıbutov ta ózekti taqyrypty qozǵady. Ol aqparat salasynda mono jáne shaǵyn qalalardy damytý boıynsha josparlar men esepterdiń joqtyǵyn jáne statıstıkalyq aqparattyń qoljetimdiligi óte tómen ekenin alǵa tartty.

Jıyn qorytyndysy boıynsha Keńes ázirlegen usynymdar tıisti vedomstvolarǵa jiberildi. Budan basqa, Ulttyq ekonomıka mınıstrligine Keńeske mono jáne shaǵyn qalalardy damytý jónindegi aldyńǵy baǵdarlamalardyń iske asyrylýy týraly tolyq esep berý, al olardyń basshylaryna damý josparlary men túıindi máselelerdiń tizbesin usyný tapsyryldy.

Sońǵy jańalyqtar

Qazaqstanda et qymbattady

Qoǵam • Búgin, 15:10

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Uqsas jańalyqtar