Delegasııa quramynda barǵan Y.Altynsarın atyndaǵy Ulttyq bilim akademııasynyń prezıdenti Ǵanı Beısembaev «Yntymaqtastyq kókjıegi – bolashaqqa bastar jol» taqyrybynda baıandama jasady. Ol pandemııa kezinde sıfrlyq bilim berýdegi sheteldik jáne otandyq tájirıbeler men Qazaqstanda oqýshylardyń bilimindegi olqylyqtardyń ornyn toltyrý boıynsha júrgizilip jatqan sharalar, sondaı-aq bilim alýshylardyń boıynda zamanaýı daǵdylardy qalyptastyrý úshin mektep baǵdarlamasyna engizilgen «Jahandyq quzirettilikter» kýrsy týraly málimdedi.
Onyń aıtýynsha, qazirgi ýaqytta «Sıfrly muǵalim» jobasyn engizý jáne oqý prosesinde VR/AR-tehnologııalardy paıdalaný boıynsha zertteýler júrgizilýde.
Sonymen qatar Akademııa bilim berý júıesin damytýdyń ózekti problemalary, atap aıtqanda oqýshylardyń bilim sapasyn arttyrý, bilim berý mazmunynyń sabaqtastyǵyn qamtamasyz etý, ınnovasııalyq ınfraqurylym jáne t.b. boıynsha zertteýlerdi jalǵastyrýda.
Halyqaralyq sezge TMD elderiniń bilim mınıstrlikteri men uıymdarynyń basshylary, bilim salasynyń qyzmetkerleri qatysty.
Aıta ketsek, 2022 jyly TMD-ǵa qatysýshy memleketterdiń muǵalimderi men bilim berý salasy qyzmetkerleriniń VII sezi Qazaqstanda ótedi.
