Sharaına
Kıevtegi qaqtyǵystan qaza tapqandar men jaralanǵandar sany ósip barady. Sońǵy aqparattarǵa qaraǵanda, 18 aqpandaǵy tártipsizdik saldarynan qurban bolǵandar qatary 30 adamǵa jetken.
Ýkraına densaýlyq saqtaý mınıstrliginiń habarlaýynsha, 8 adam qalalyq densaýlyq saqtaý mekemelerine jatqyzylǵannan keıin, 4 adam IIM-niń gospıtalinde qaıtys bolǵan. Qaza tapqan taǵy 13 adam Kıevtegi sot-medısınalyq saraptama bıýrosynyń klınıkasyna jetkizilgen. Sondaı-aq, keshe erteńgisin 350-den astam zardap shegýshi medısınalyq kómekke júgingen. Olardyń 240-y aýrýhanaǵa jatqyzylypty. Derek kózderi boıynsha, jaraqattanǵandardyń 80-ge jýyǵy quqyq qorǵaý organdarynyń qyzmetkerleri. Jaraqat alǵandardyń arasynda bes jýrnalıst jáne Joǵarǵy Radaǵa «Batkıvıshına» partııasynan depýtat bolyp saılanǵan V.Pazınıak bar. Qazirgi kezde qaqtyǵysqa qatysýshy taraptar birin-biri atys qarýyn paıdalandy dep aıyptaýda.
Argentınada meteorıt jaryldy
Argentına aýmaǵynyń áýe keńistiginde, dálirek aıtqanda, Santa-Fe provınsııasynda meteorıt jarylǵan. Bul aqparatty jergilikti observatorııa qyzmetkerleriniń aıtqandaryna silteme jasaı otyryp «Frans-press» agenttigi habarlady.
Jarylys bolǵany jónindegi aqparat jergilikti ýaqyt boıynsha saǵat 10.00-de túsken. Santa-Fe provınsııasy Býenos-Aıresten 350 shaqyrymdaı qashyqtyqta ornalasqan. Kórgenderdiń aıtýynsha, aldymen kóz qaryqtyrar jaryq kórinipti, artynsha kúshti jarylys bolǵan. Jarylystan taraǵan tolqyn jerdi jáne úılerdi dirildetip jibergen. Bir jaqsysy, jarylystan eshkim zardap shekpepti.
Qysqa qaıyryp aıtqanda:
* Shvesııa syrtqy ister mınıstri Karl Bıld: «Týrasyn aıtý kerek, Kıevtegi ólimder men zorlyq-zombylyq jaýapkershiligi prezıdent Iаnýkovıchtiń moınyna artylady. Onyń qoly qanǵa malyndy» dep málimdedi. * Amerıkalyq burynǵy kongressmen Melvın Djeı Reınolds pornografııalyq sýretterdi saqtady jáne kóshi-qon zańnamasyn buzdy degen kúdikpen ustaldy. * AQSh-tyń federaldy rezerv júıesi osy eldiń rynogynda jumys isteıtin sheteldik bankter úshin asa qatań ereje qabyldady. Endi olar da amerıkalyq bankter sııaqty jumys isteıtin bolady. * Eki kún buryn «Ansar Beıt ál-Makdıs» ıslamshyl toby týrısterdiń 20 aqpanǵa deıin Egıpetti tastap shyǵýyn talap etken edi. Osy eldegi reseılik 70 myńdaı týrıst bul eskertýdi elemeıtin sııaqty. Berlýskonı ajyrasatyn boldy Italııa soty eldiń burynǵy premer-mınıstri Sılvıo Berlýskonıdiń zaıyby Veronıka Larıomen ajyrasý jónindegi prosesti aıaqtady.
Ajyrasqannan keıin Berlýskonıdiń V.Larıoǵa qanshalyqty somada alıment tóleıtini qazirshe naqty anyqtalmaǵan. Alǵashynda onyń mólsheri aıyna 3 mıllıon eýro dep qarastyrylǵan edi. Biraq, ótken jyldyń qazanynda Monse soty alıment kólemin 1,4 mıllıon eýroǵa deıin qysqartqan bolatyn. Bul ekeýi nekede 22 jyldan astam ýaqyt birge turdy.
Snoýden rektorlyqqa saılandy
AQSh arnaıy qyzmetiniń eks-qyzmetkeri Edýard Snoýden Glazgo ýnıversıteti stýdentteriniń rektory bolyp saılandy. Bul qyzmetti ol Reseıde turyp-aq atqarýyna bolady.
Glazgo ýnıversıtetiniń stýdentteri óz rektoryn úsh jylda bir ret saılaıdy. Ereje boıynsha rektorlyq qyzmetke belgili saıasatkerler nemese qoǵam qaıratkerleri usynylady. Buǵan deıin rektorlyqqa Nelson Mandelanyń burynǵy áıeli Vınnı Mandela, sondaı-aq, ızraıldik fızık Mordehaı Vanýný sııaqty tulǵalar saılanypty. О́tken jyldyń sońynda Snoýden óziniń advokaty arqyly osy qyzmetti atqarýǵa daıyn ekenin bildirgen kórinedi.
Mıssıonerdiń qaıda ekeni belgisiz
Soltústik Koreıanyń quqyq qorǵaý organdary 75 jastaǵy avstralııalyq mıssıoner Djon Shortty ustap áketken. Ol Phenıanǵa týrıstik toppen kelgen eken.
Shortty 16 aqpanda keshkisin ózi túsken qonaqúıde ustaǵan. Týrıstik kompanııa ókilderiniń aıtýynsha, KHDR bıligi mıssıonerdiń ne úshin ustalǵany jáne onyń qaı jerde ekeni jónindegi suraý salýlaryna jaýap bermeı otyr. Shorttyń zaıybynyń sózine qaraǵanda, mıssıoner bul elge koreı tiline aýdarylǵan hrıstıandyq ádebıetterdi ala kelipti. Bar másele osy ádebıetterge baılanysty bolsa kerek.
Qupııa nysanda aksııa ótkizemin dep...
Chıkago soty 84 jastaǵy dindar taqýa Megan Raısty ıadrolyq nysandardyń birinde qarsylyq aksııasyna qatysqany úshin úsh jyl merzimge bas bostandyǵynan aıyrdy.
Ol 2012 jyldyń shildesinde úsh adam bolyp, Tennessı shtatyndaǵy erekshe kúzettegi ýran saqtalatyn keshenge jasyryn kirip, sol jerde qarsylyq aksııasyn uıymdastyrǵan. Olar eki saǵat ótkennen keıin ustalǵan. Osy aralyqta aksııaǵa qatysýshy álgi úsheý ıadrolyq qarýǵa qarsy plakattardy ilip, keshen qabyrǵalaryna adam qanyn shashyp úlgeripti. Qalǵan ekeýine sot bes jyldan túrmede otyrǵyzý jazasyn taǵaıyndady.
Internet materıaldary negizinde ázirlendi.
