Rýhanııat • 01 Qarasha, 2021

Oralda jas kúıshiler saıysy ótti

73 ret kórsetildi

Batys Qazaqstan óńiri – Qurmanǵazy, Dáýletkereı, Dına, Seıtek syndy kúıshiler ómirge kelgen ónerli ólke. Ulttyq mýzyka ónerinde esimi óshpesteı saqtalatyn bul esimderdiń laıyqty izbasarlary bar ma? Jaqynda Oral qalasynda ótken jas kúıshiler saıysy osy saýalǵa jaýap bergendeı, dep jazady Egemen.kz.

Batys Qazaqstan oblysynyń jastar saıasaty máseleleri basqarmasy qoldap, «Ǵasyr» jastar qoǵamdyq birlestigi uıymdastyrǵan jas kúıshiler saıysyna qatysýshylar az bolmady. Osynyń ózi kóńilge qýanysh uıalatty. Jaqynda ǵana paıdalanýǵa berilgen aqshańqan «Atameken» óner ordasynda ótken kúı saıysy Qazaqstan Respýblıkasy Táýelsizdiginiń 30 jyldyq mereıtoıyna oraılastyryldy. Shara elimizdegi kúıshilik ónerdi óskeleń urpaqqa, ónersúıer jurtshylyqqa keńinen nasıhattaý, jas talanttar men sheber oryndaýshylardy anyqtaý, daryndy ónerpazdardyń kásibı sheberlikterin arttyrý maqsatynda uıymdastyrylǵan. Saıys barysynda jastarǵa ulttyq qundylyqtardy nasıhattaý maqsatynda arnaıy ultyq qolóner túrlerinen kórme usynyldy.

«Kúı – tektilik tereńi!» atty oblystyq jas kúıshiler saıysy 2 kezeńnen turdy. Irikteý kezeńinen irkilmeı ótken eń úzdik jas kúıshiler fınaldyq básekede saıysqa tústi. Saıys jeńimpazdary 14-18 jáne 19-29 jas aralyǵyndaǵy eki top boıynsha anyqtaldy.

Sonymen, saıys nátıjesinde 14-18 jas aralyǵy boıynsha júldeli I oryndy – Naýryzbek Kúzenbaev, II oryndy – Ernest Qaıyrjanov, III oryndy – Aızada Qıbashova ıelendi. Erekshe ónerimen kózge túsken Juldyz Narımanova men Mádına Qadyrǵalıevaǵa «Kórermen kózaıymy» júldeleri buıyrdy. Al 19-29 jas aralyǵy boıynsha I oryn syılyǵy Qaırat Baıquttyǵa buıyrdy. Júldeli II-III oryndy Qydyrnııaz Eginǵalı men Temirlan Syralıev ózara bólisti. «Kórermen kózaıymy» atalymyna Bekzat Ramazan men Nuraı Úmbetova laıyq dep tanyldy. Saıys jeńimpazdaryna arnaıy dıplom, estelik syılyq jáne qarjylaı sertıfıkat tabys etildi.

Sońǵy jańalyqtar

Qanat Taımerdenov jańa qyzmetke taǵaıyndaldy

Taǵaıyndaý • Búgin, 17:39

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar