«Zertteý nátıjeleri vaksınanyń úshinshi dozasy ekpeden keıingi bir aptadan soń Covid-19-ben baılanysty aýyr saldarlardyń aldyn alatynyn dáleldedi», delingen The Lancet jýrnalynda jarııalanǵan maqalada.
MedicalXpress ǵylymı jumysynda bul synaq 2021 jyldyń 30 shildesinen 23 qyrkúıegine deıin júrgizilgeni aıtyldy. Bul Izraıldegi koronavırýs ınfeksııanyń tórtinshi tolqynymen sáıkes keldi, onyń barysynda Delta nusqasy (B.1.617.2) elde basym shtamǵa aınaldy.
«12 jastan asqan 728 321 adamnyń derekteri taldandy, olar BNT162b2 vaksınasynyń úshinshi dozasyn aldy. Ár pasıent tek eki vaksına alǵan adammen salystyryldy», dep tolyqtyrdy sarapshylar.
Ǵalymdar bes aı buryn tek eki dozany qabyldaǵandarmen salystyrǵanda vaksınanyń úsh dozasyn alǵan pasıentterde Covid-19-ǵa baılanysty aýrýhanaǵa jatqyzý qaýpi 93%-ǵa, aýyr Covid-19 qaýpi 92%-ǵa, al COVID-19-ǵa baılanysty ólim qaýpi 81%-ǵa tómendegenin anyqtady. Sonymen qatar vaksınanyń tıimdiligi ártúrli jynystarda, jas toptarynda (40-69 jáne 70 jastan asqan) birdeı boldy jáne qatar júretin aýrýlardyń sanyna baılanysty bolmady.
