О́ner • 02 Qarasha, 2021

Jas kúıshiler jarqyly

54 ret kórsetildi

Batys Qazaqstan – Qurmanǵazy, Dáýletkereı, Dına, Seıtek syndy kúıshiler ómirge kelgen ónerli ólke. Ulttyq mýzyka ónerinde esimi óshpesteı saqtalatyn bul esimderdiń laıyqty izbasarlary bar ma? Jaqynda Oral qalasynda ótken jas kúıshiler saıysy osy saýalǵa jaýap bergendeı.

Batys Qazaqstan oblysynyń jastar saıasaty máseleleri bas­qarmasy qoldap, «Ǵasyr» jas­tar qoǵamdyq birlestigi uıym­dastyrǵan jas kúıshiler jarysyna qatysýshylar az bol­mady. Osynyń ózi kóńilge qýa­nysh uıalatty. Jaqynda ǵana paıdalanýǵa berilgen aqshańqan «Atameken» óner ordasynda ótken kúı básekesi Qazaqstan Res­pýblıkasy Táýelsizdiginiń 30 jyldyq mereıtoıyna oraı­lastyryldy. Shara elimiz­degi kúıshilik ónerdi ós­keleń ur­paqqa, ónersúıer jurt­shy­lyqqa keńinen nasıhattaý, jas talanttar men sheber oryn­daý­shylardy anyqtaý, daryndy ónerpazdardyń ká­sibı she­­berlikterin arttyrý maq­sa­tynda uıymdastyrylǵan. Baıqaý barysynda jastarǵa ult­­tyq qundylyqtardy nasıhattaý maqsatynda arnaıy ultyq qolóner túrlerinen kór­me usynyldy.

«Kúı – tektilik tereńi!» atty oblystyq jas kúıshiler sa­ıysy 2 kezeńnen turdy. Irik­teý kezeńinen irkilmeı ót­ken eń úzdik jas kúıshiler fı­nal­dyq básekede synǵa tústi. Je­ńim­pazdar 14-18 jáne 19-29 jas aralyǵyndaǵy eki top bo­ıyn­sha anyqtaldy.

Sonymen saıys nátı­je­­sinde 14-18 jas aralyǵy bo­­­ıynsha júldeli I oryndy – Naý­­ryzbek Kúzenbaev, II oryndy – Ernest Qaıyrjanov, III oryn­dy Aızada Qıbashova ıe­­lendi. Erekshe ónerimen kózge tús­ken Juldyz Narımanova men Mádına Qa­dyrǵalıevaǵa «Kó­­rer­men kóz­aıymy» júl­de­­­leri buıyr­dy. Al 19-29 jas aralyǵy bo­ıynsha I oryn syı­­­lyǵy Qaırat Baı­quttyǵa bu­ıyrdy. Júldeli II-III oryndy Qydyrnııaz Eginǵalı men Te­mir­­lan Syralıev ózara bó­­lis­ti. «Kó­­rermen kózaıymy» ata­ly­myna Bekzat Ramazan men Nur­aı Úm­­betova laıyq dep tanyl­dy. Úzdikterge arnaıy dıp­­­lom, estelik syılyq jáne qar­­­jylaı sertıfıkat tabys etildi.

 

Batys Qazaqstan oblysy

Sońǵy jańalyqtar

Álemdegi eń úlken muzdyq erip ketti

Ekologııa • Búgin, 11:05

15169 adam koronavırýs juqtyrdy

Koronavırýs • Keshe

Uqsas jańalyqtar