«Mal sharýashylyǵynda metan shyǵaryndylaryn azaıtý úshin kóń men qus sańǵyryǵyn óńdeıtin jabdyqqa 25% ınvestısııalyq sýbsıdııalaý tólene bastady. О́simdik sharýashylyǵynda kúrish, maqta sııaqty sýdy kóp qajet etetin daqyldardyń alqabyn azaıtý úshin egis qurylymyn ártaraptandyrý jalǵasady», dedi Aıdarbek Saparov Úkimettiń búgingi otyrysynda.
Onyń aıtýynsha, zamanaýı sıfrlyq tehnologııalardy engizý, ǵaryshtyq monıtorıng pen jerdi qashyqtan zondtaý nátıjelerin paıdalaný tehnologııalary salaǵa enip keledi.
«Agrotehnologııalardy saqtaý úshin qazirgi zamanǵy tuqym sorttary men tyńaıtqyshtar, ósimdik qorǵaýǵa arnalǵan bıologııalyq quraldar satyp alýǵa da qoldaý kórsetiledi. Bul rette, AО́K damytý tujyrymdamasy sheńberinde organıkalyq tyńaıtqyshtardy satyp alý kezinde aýyl sharýashylyǵy taýaryn óndirýshilerdiń shyǵyndaryn óteý kózdelmek. Salany tehnıkalyq turǵyda jaraqtandyrý úshin aýyl sharýashylyǵy tehnıkasyn satyp alýdy, jeńildetilgen lızıngti sýbsıdııalaý, otandyq aýyl sharýashylyǵy mashınasyn jasaýdy damytý baǵdarlamalaryn aýqymdy iske asyrý jalǵasady», dedi vıse-mınıstr.
Sondaı-aq, sý únemdeý tehnologııalaryn engizý, gıdromelıoratıvtik qyzmettiń materıaldyq-tehnıkalyq bazasyn jaqsartý jáne olardyń qyzmet aımaǵyn keńeıtý arqyly sýarmaly eginshilikti damytý boıynsha sharalar qabyldanýda. Bul rette, zamanaýı sýarý júıelerin satyp alý qunynyń 50%-ǵa deıin ınvestısııalyq sýbsıdııalaý qarastyrylǵan.
