Resmı derekkózdiń málimetinshe, premer-mınıstr zardap shekken joq. Irak áskerıleri premerdiń Baǵdattaǵy «jasyl aımaqtaǵy» rezıdensııasyna pılotsyz dron arqyly qastandyq jasalǵanyn jetkizdi.
Al-Kadımıdiń resmı Twitter-akkaýntynda onyń aman-saý ekeni jazylǵan. «Allaǵa shúkir, aman-saýmyn. Barlyǵyn Irak úshin sabyrlyq pen tynyshtyqqa shaqyramyn», delingen postıngte.
Shafak Irak agenttiginiń habarlaýynsha, qastandyq kezinde premerdiń úsh kúzetshisi zardap shekken. Qatań kúzetiletin Baǵdattyń «jasyl aımaǵynda» úkimettik mekemeler men sheteldik elshilikter ornalasqan.
«Jasyl aımaqta» turatyn dıplomattar Reıter agenttigine jarylys pen oq atylǵan daýysty estigenin aıtqan.
