Vedomstvo habarlamasyna sáıkes, 2021 jylǵy 4 qarashadan bastap Qazaqstan Respýblıkasynyń sertıfıkattalǵan áýeaılaqtaryn paıdalanýshylar IKAO-nyń jańa ádisnamasy boıynsha UQJ betiniń jaǵdaıy týraly habarlamany berýge jáne baǵalaýdy oryndaýǵa kiristi. GRF engizilýimen Qazaqstanda alǵash ret ushý ekıpajdaryna «SNOWTAM» qar habarlamalaryn jarııalaý bastaldy. SNOWTAM-dy alǵashqy bolyp Qostanaı, Pavlodar, Almaty áýejaılary jarııalady.
IKAO-nyń ushý qaýipsizdigi salasyndaǵy jahandyq maqsattarynyń biri - ushý-qoný jolaǵyndaǵy operasııalardyń qaýipsizdigin qamtamasyz etý. Atap aıtqanda, áýe kemeleriniń ushyp-qoný jolaǵynan tys shyǵýyna baılanysty avıasııalyq oqıǵalardyń úlesi shamamen 15%-dy quraıtyndyqtan, áýe kemeleriniń shyǵyp ketý sanyn qysqartý, bul rette osy oqıǵalar sanatyna barlyq avıasııalyq apattardyń 50%-y keledi. Ushý-qoný jolaǵynan tys shyǵyp ketý jaǵdaılarynyń 80%-y qysqy ýaqytta atmosferalyq jaýyn-shashynnyń bolýy saldarynan ushý-qoný jolaǵynda ilinisýdiń tómendeýine baılanysty.
GRF ádistemesi ushý-qoný jolaǵy betiniń jaǵdaıyna baǵalaý júrgizýge jáne habarlamany daıyndaýǵa búkil álemde birkelki tásildi qamtamasyz ete otyryp, onda atmosferalyq jaýyn-shashyn bolǵan kezde áýe kemeleriniń ushý-qoný jolaǵynan tys shyǵyp ketý jaǵdaılarynyń aldyn alý arqyly ushý qaýipsizdigin arttyrýǵa baǵyttalǵan. UQJ-nyń jaı-kúıi týraly habarlamany áýe kemelerin óndirýshi usynǵan ushaqtyń ushý-tehnıkalyq sıpattamalary týraly derektermen salystyra otyryp, ushý ekıpajy qaýipsiz qoný úshin ushý-qoný sıpattamalaryn esepteı alady.
