«Jol ótpesi jyl saıyn jóndeledi, biraq onyń sapasy jyldan jylǵa nasharlap barady», deıdi turǵyndar.
Alaıda bıyl ony jóndeýge jergilikti bıýdjetten 21 mıllıon teńge bólingen eken.
Merdiger uıym barlyq jumystar joba boıynsha júrgizilip jatqanyn jáne eshqandaı buzýshylyqtar joq ekenin málimdeıdi.
«Biz qolaıly kún raıyn paıdalanyp, tez arada asfalt tósedik. Qıyrshyq tastar kópirdegi tesik arqyly poıyzdardyń ústine túspeý úshin ýaqytsha karton tósep qoıdyq. Tesikterdiń orny qaıtadan ashylady. Ol jerge 1 mıllımetrlik latýn men 20 mılımetrlik temir jabyndy ornatyp, beton quıamyz. Ústinen qaıtadan asfalt tóseımiz. Jumystyń barlyǵy jobalyq-smetalyq qujattamaǵa sáıkes júrgizilip jatyr», dep túsindirdi «SK Magıstral» JShS dırektorynyń orynbasary Aleksandra Naıman.
