Jaqynda senatorlar Almaty oblysynda kóshpeli otyrys ótkizip, «Altynkól» jáne «Nur Joly» keden beketterine baryp, memlekettik organdarmen jáne kásipkerlermen kezdesý ótkizdi. Sol kezdesýde kóterilgen máselelerdiń biri – Qytaımen shekarany kesip ótý qıyndyqtary. О́tkizý pýnktterinde júk avtomashınalary men poıyzdardyń jınalýy oryn aldy. Shekarada júkterdiń turyp qalýyna baılanysty otandyq kásipkerler bıznes-qoǵamdastyq tarapynan úlken shyǵyndarǵa ushyrady. Senator, sondaı-aq kásipkerlermen kezdesý barysynda zańnamalyq qamtamasyz etýdi talap etetin kóptegen problemalyq máseleler kóterilgenin atap ótti. Osyǵan baılanysty depýtat ótkizý beketterindegi jaǵdaıdy jaqsartý boıynsha birqatar naqty usynystar aıtty.
«QTJ» UK» aksıonerlik qoǵamynyń sıfrlyq transformasııasynyń keshendi strategııasyn jasaý, qaǵaz qujat aınalymyn alyp tastaý, lokomotıvtik tartqysh, sondaı-aq temir jol jelisi máselelerin sheshý, biryńǵaı aqparattyq derekqor qurý arqyly kóliktik baqylaý ýchaskesin sıfrlandyrý, qytaı tarapymen júrgiziletin kelissózder sheńberinde memlekettik organdar «Nur joly» ótkizý pýnktinde turyp qalǵan bos tirkemelerdi qabyldaýdy qamtamasyz etý, temirjol, avtomobıl kóligimen ótkiziletin qazaqstandyq eksporttyq taýarlardy qabyldaý máselelerin pysyqtaý qajet», dedi depýtat.
