Úı janýarlary jańa ıelerin kúızelisten shyǵarýǵa jáne sottalǵandar arasyndaǵy qoǵamǵa qarsy minez-qulyqty joıýǵa kómektesedi.
Bul – qanatqaqty joba. Qazirgi ýaqytta jańa jobamen Nahonratchasıma, Raıong, Klonghaı jáne Haobın túrmeleri qamtylatyn bolady. Túzetý departamenti ıtterdi qoldaný arqyly terapııanyń tıimdiligin tekseredi.
«Osylaısha tutqyndar qamaýdan shyqqannan keıin qoǵamǵa oralýǵa psıhologııalyq turǵydan daıyndala alady» dep boljaıdy mınıstrlik.
Ádilet mınıstri Somsak Tepsýtınniń aıtýynsha, mınıstrlik joba úshin ıtter izdep jatyr. Tutqyndardyń úı janýarlarymen qansha ýaqyt ótkizetini áli belgisiz. Tutqynǵa onyń minezi men temperamentine sáıkes keletin ıt alynady dep habarlanǵan. Sonymen qatar sottalǵan azamattarǵa janýarlarǵa durys qaraý jáne olarǵa kútim jasaý úıretiledi.
Eger mundaı bastama sátti bolsa, bılik ony eldiń basqa túzeý mekemelerine de taratýǵa nıetti.
