Munda О́skemen, Semeı, Pavlodardyń JOO debaterleri jınaldy. QR Bilim jáne ǵylym vıse-mınıstri Qýanysh Erǵalıev pen D.Serikbaev atyndaǵy ShQTÝ-dyń birinshi prorektory Sáýle Rahmetýllına quttyqtaý sóz sóıledi.
Eki kún boıy ShQTÝ qabyrǵasynda búgingi kúngi ózekti taqyryptar – «tiger parenting», sapaly bilim tegin bola almaıdy, beldemshede gender bar, patrıotızm qazirgi jastarǵa tán emes, Ulttyq qordy tıimdi paıdalaný tetikteri, 1945 jylǵy mamyr, «Máńgilik eldiń» úzdik baǵyty syndy suraqtar tóńireginde sóz qozǵaldy. Fınalǵa tórt komanda shyqty – Salaýat (Semeı), Dilmar (О́skemen), Orator (Semeı) jáne Prezıdent (Pavlodar).
Týrnır qorytyndysy boıynsha Semeıden kelgen «Orator» komandasy úshinshi oryn men 100 myń teńge júldege ıe boldy. Ekinshi oryndy jáne 200 myń teńge kólemindegi sertıfıkatty Pavlodar qalasynyń «Prezıdent» debaterleri aldy. Birinshi oryn men 300 myń teńgeni Semeıdiń «Salaýat» komandasy jeńip aldy.
Al pikirsaıys týrnıriniń úzdik spıkerleri men tóreshileri maqtaý qaǵazdarymen jáne baǵaly syılyqtarmen marapattaldy.
Týrnır kýbogy jeńimpaz komandaǵa tapsyryldy. «30: OPEN TO NEW» pikirsaıys marafony elimizdiń barlyq óńirlerinde ótip, elordasy – Nur-sultan qalasynda aıaqtalmaq.
