Ashat Aımaǵambetov baıandama barysynda akademııalyq saıasat baǵyty jaıly da sóz qozaǵady.
«Bilim berý baǵdarlamalarynyń sapasyn arttyrý maqsatynda ýnıversıtetterge akademııalyq jáne atqarýshy derbestikti berdik. Osyǵan oraı, olar mınıstrlik bekitken úlgilik oqý josparlarynyń ornyna bilim berý baǵdarlamalaryn daıyndaǵanda jumys berýshilerdiń kásiptik standarttaryn negizge alatyn boldy. Tıisinshe, joǵary oqý oryndary bilim berý baǵdarlamalaryn óz betinshe ázirleýge kóship, 9 371 baǵdarlama ázirlendi. «Tórtinshi ındýstrııalyq revolıýsııaǵa» baılanysty álemdik eńbek naryǵynda negizgi problemalardyń biri daǵdylardyń tez eskirýi bolyp sanalady. О́mir boıy bir dıplom ssenarııi endi mańyzdy emes. Sondyqtan Prezıdenttiń tapsyrmasy boıynsha «О́mir boıy oqý» tujyrymdamasy ázirlendi. Bul jumystyń arqasynda ýnıversıtetter formaldy emes jáne ınformaldy bilim alýdyń nátıjelerin tanyp, qabyldaıtyn bolady», dedi mınıstr.
