«Joǵarǵy sol jaq sharshy – bul eldiń sıfrlyq evolıýsııasyndaǵy baıaýlaý. Bir qyzyǵy, olardyń arasynda Soltústik Eýropa elderi – Danııa, Shvesııa, Fınlıandııa, Norvegııa. Bul kóp jaǵdaıda osy elderdiń damý shyńynda jáne qazir ınklıýzıvti ósý satysyna kóbirek kóshýine baılanysty», dedi Serik Jumanǵarın Open Space aıasynda.
Ol osy baǵyttaǵy kóshbasshy elderdiń tizimin atap ótti.
«Kóshbasshy elder, árıne, Azııa jolbarystary - Sıngapýr, Gonkong, Ońtústik Koreıa. Eń qyzyǵy, AQSh ekinshi orynda. Perspektıvaly elderdiń tizimine biz de kiremiz. Qazaqstan, Ázerbaıjan, Grýzııa; Polsha, Latvııa, Saýd Arabııasy, Chılı, Bahreınmen teń dárejede. Slovakııa, Italııa, Vengrııa, Horvatııa bul jaǵynan problemaly elderdiń shekarasynda tur. Olarda sıfrlyq ekonomıkanyń damýymen baılanysty aıqyn problemalar bar», dep atap ótti spıker.
