Egemen Qazaqstan • 25 Qarasha, 2021

«Egemen Qazaqstan» men «Qazpochta» AQ basshylary memorandýmǵa qol qoıdy

131 ret kórsetildi

«Qaı eldiń baspasózi myqty bolsa, sol eldiń ózi de myqty» degen Mirjaqyp Dýlatovtyń sózi búginge deıin óziniń mańyzyn joıǵan joq. Baspasózge jazylý naýqanynda júz jyldyq tarıhy bar elimizdiń bas basylymy «Egemen Qazaqstandy» oqyrman qaı kezde de joǵary baǵalaıtyny sózsiz, dep jazady Egemen.kz.

Álbette, elimizdiń ár qıyryndaǵy oqyrmandardy sapaly aqparatpen qamtamasyz etý – «Egemen Qazaqstan», «Kazahstanskaıa pravda» gazetteriniń basty mindeti bolsa, gazetti buqaranyń qolyna der kezinde jetkizý «Qazpochta» AQ qyzmetkerleriniń, hat tasýshylardyń basty boryshy.

Oqyrman tarapynan aıtylatyn «gazet keshigip jatyr», «áli de qolymyzǵa tıgen» joq degen shaǵym ara-tura basylym basshylarynyń qulaǵyna jetip turatyny ras. Osy jáne ózge de máselelerdiń endigári aldyn alý maqsatynda «Egemen Qazaqstan» respýblıkalyq gazeti» aksıonerlik qoǵamynyń Basqarma tóraǵasy Darhan Qydyráli men «Qazpochta» AQ basqarma tóraǵasy Serik Saýdabaev ekijaqty memorandýmǵa qol qoıdy.

1964

«Qurmetti áriptester, qadirli «Qazpochta» AQ basshylyǵy, júz jyldyq tarıhy bar basylym shańyraǵyna qosh keldińizder. Bul memorandýmǵa qol qoıý rásiminiń mańyzy zor. Elimizdiń ár qıyryndaǵy, jetýdiń ózi qıyndyq týdyratyn alystaǵy eldi mekenderge basylymdy taratyp júrgen pochta qyzmetkerleriniń eńbegin qaı kezde de joǵary baǵalaımyz. Kelgenderińiz úshin zor alǵysymdy bildiremin», dedi Darhan Qýandyquly.

Budan keıin «Egemen Qazaqstan» respýblıkalyq gazeti» aksıonerlik qoǵamynyń Basqarma tóraǵasy Darhan Qydyráli «Qazpochta» AQ basqarma tóraǵasy Serik Saýdabaevqa «Egemen Qazaqstan» jáne «Kazahstanskaıa pravda» gazetteriniń atynan arnaıy syılyqty tartý etti.

«Álbette, aqparatty ınternetten alýǵa da bolady. Biraq baspasóz ókilderi sońǵy oqyrmany qalǵansha jasaı beredi. Eń negizgisi – gazetti oqyrmanǵa der kezinde jetkizý. Biz «Qazpochta» AQ-men birlese otyryp pochta qyzmetkerlerin jáne oqyrmandardy yntalandyrý maqsatynda arnaıy syılyqtar da qarastyrýdamyz», dedi Darhan Qydyráli.

Aıta keteıik, buǵan deıin «Egemen Qazaqstan» respýblıkalyq gazeti» aksıonerlik qoǵamy barynsha kóp jazylym uıymdastyrǵan oqyrmandar arasynda arnaıy baıqaý jarııalaǵan bolatyn. Jazylym naýqanynda belsendilik tanytqandar smartfon jáne túrli qundy kitaptar utyp ala alady.

Sońǵy jańalyqtar

Amanatqa adaldyq

Ádebıet • Keshe

Jantórın jańalyǵy

Kıno • Keshe

Azattyq úshin arpalysqan

Tarıh • Keshe

Dıllıan Ýaıt qaharyna mindi

Kásipqoı boks • Keshe

Uqsas jańalyqtar