Aqtóbe oblystyq TJD baspasóz qyzmetiniń aqparatyna sáıkes, iz-túzsiz joǵalyp ketken geologtar qystaqtan tabyldy.
«Búgin saǵat 14:50-de joǵalyp ketken geologtar baılanysqa shyǵyp, «Qısyqsaı» qystaǵynda oralasqandary jóninde habarlady. Qazir olardyń jaǵdaılary jaqsy, medısınalyq kómek qajet bolmady.
«Qazirgi ýaqytta geologtar Áıteke bı aýdanynyń Qarabutaq aýylyna jetkizilýde», dep habarlady oblystyq TJD baspasóz qyzmeti.
Eske sala ketsek, 26 qarashada 4 geologqa izdeý jarııalandy. Olar 25 qarashada sońǵy ret baılanysqa shyǵyp, keıin habar-osharsyz ketken. Olardyń izdestirilýine quramynda 33 adam men 8 birlik tehnıkadan turatyn 5 izdeý toby jumyldyryldy. Al búgin Aqtóbe-Qumsaı-Qaıraqty-Qaıyńdy-Mılysaı-Araltoǵaı baǵyttary boıynsha avıa izdeý úshin TJM «Qazavıaqutqarý» AQ evrokopteri ushty.
