Aımaqtar • 30 Qarasha, 2021

Almatyda qupııa qyzmet týraly qos kitap tanystyryldy

54 ret kórsetildi

Almatyda «Otandyq arnaýly qyzmettiń hronıkalary» jáne «Memlekettik shekara»  atty qos birdeı kitaptyń tanystyrylymy ótti. Egemendiktiń eńselenýine eleýli úles qosyp, el tynyshtyǵyn qaltqysyz qadaǵalap kele jatqan  qýatty qurylymnyń bederli jyldar belesindegi tarıhı sátteri tańbalanǵan týyndylar táýelsizdik toıyna tartý retinde jaryq kórip otyr, dep habarlaıdy Egemen.kz.

Ulttyq Qaýipsizdik Komıteti memleket tynyshtyǵynyń qorǵany. Alaıda, qyzyǵy men qupııasy mol bul salanyń qyzmeti jaıly kóp aıtyla bermeıdi. Oqyrmanǵa jol tartqan qos kitapta barlaýshylardyń bylaıǵy jurt bile bermeıtin jaýapty qyzmetiniń qyr-syry, esimi erlikke ulasqan azamattardyń aıbyndy joly keńinen óris alǵan. Aýyr jeldiń ótinde júrip armanynan alystap qalǵan jandardyń esimin keıingilerge úlgi etý maqsatynda erlikpen qaza tapqan batyrlardyń ómir-ónegesi qundy eńbekte áserli baıandalǵan. Kitaptyń tanystyrylymyna Ulttyq qaýipsizdik qyzmetiniń ardagerleri, qyzmet babynda erlikpen ajal qushqan azamattardyń týys-týǵandary, jýrnalıster men sala mamandary qatysty.

 –  Ýaqyt óte kele tarıh beti ashylyp, jazylýǵa tıis dúnıeler jazylyp jatyr. Ulttyq qaýipsizdik komıtetiniń jaýapty qyzmeti jaıly kópshilik bile bermeıdi, óıtken sebebi bul taqyryp aıtylyp, jazylmaıdy. Osyndaı kitaptar arqyly búgingi Ulttyq qaýipsizdik komıtetiniń ofıserleri, jaýyngerleri qandaı qyzmetke jumylǵanyn jurt bilip, olardyń ıyǵyna júktelgen jaýapkershilik júginiń salmaǵyn sezine túsedi. Osy turǵydan alǵanda bul kitaptardyń mańyzy zor, – deıdi «Zastava tarlandary» respýblıkalyq qoǵamdyq birlestigi Almaty qalalyq fılıalynyń jetekshisi Marat Májıtov.

Ulttyq qaýipsizdik komıtetiniń tóraǵasy Kárim Másimovtyń jetekshiligimen jaryq kórgen ujymdyq eńbek elimizdiń barlyq óńirlerindegi kitaphanalarǵa taratylyp, «Meloman» kitap  dúkender jelisi arqyly satylymǵa túsetin bolady. Sondaı-aq oqyrman qaýym kitaptyń elektrondy nusqasymen Kitap.kz ınternet-platformasy arqyly da tanysa alady. Elbasy Jarlyǵymen qurylǵan UQK Shekara qyzmetiniń ótkeni men búgini, ótkergen almaǵaıyp kezeńderi keńinen saralanǵan maqalalar shynaıy derekkózderden, arhıvterden alynǵan dáıekter negizinde jazylǵan.

Sońǵy jańalyqtar

Amanatqa adaldyq

Ádebıet • Keshe

Jantórın jańalyǵy

Kıno • Keshe

Azattyq úshin arpalysqan

Tarıh • Keshe

Dıllıan Ýaıt qaharyna mindi

Kásipqoı boks • Keshe

Uqsas jańalyqtar