Fılm on bes astarly áńgime men fılosofııalyq traktattardan turady. Kınojoba rejısseri aqynnyń irgeli týyndysyn jańa qyrynan ashý úshin kúrdeli sheshimder qoldanǵan.
Basty keıipkerlerdiń rólderin qazaqstandyq kınematograftyń eńbek sińirgen akterleri – Tuńǵyshbaı Jamanqulov, Jan Baıjanbaev, Erik Joljaqsynov, Nurlan Álimjanov, Arýjan Jazylbekova, Berik Aıtjanov, Aıan О́tepbergen somdady.
Teleradıokeshenniń Bas dırektory Raýshan Qajybaeva «qara sózderde» ulttyq tárbıe men dúnıetanym, adamgershilik jáne moraldyq negizder kóteriledi deıdi.
«Uly Abaıdyń keńesteri men nusqaýlary búgingi kúni de ózekti. Bizdiń jumysymyz qazaq ádebıetiniń klassıgi, aqyn, qoǵam qaıratkeri jáne XIX ǵasyrdyń uly aǵartýshysy – «qara sózderdi» ilgeriletýge úles qosady dep úmittenemiz», dedi ol.
Kınojobanyń túsirilim jumystary Almaty men Almaty oblysynyń aýmaǵynda ótti.
Aıta ketsek, fılm úsh tilde: qazaq, orys jáne aǵylshyn tilderinde túsirilgen. Dál qazir kórkem fılm grafıkalyq jumystardy júrgizýdiń sońǵy kezeńinen ótýde.
