Bilim • 02 Jeltoqsan, 2021

QazUÝ stýdentteri Elbasy týyp-ósken aýylǵa bardy

95 ret kórsetildi

Ál-Farabı atyndaǵy Qazaq ulttyq ýnıversıtetinde el Táýelsizdiginiń 30 jyldyǵy jáne Tuńǵysh Prezıdent kúnine oraı «Táýelsizdik bárinen qymbat» onkúndigi bastaý aldy.

Patrıottyq-tanymdyq is-shara Táýelsizdik tarıhy jáne Qazaqstannyń qalyptasýyndaǵy QR Tuńǵysh Prezıdenti–Elbasy Nursultan Nazarbaevtyń eren eńbegin aıshyqtaý, jastardy otansúıgishtikke baýlý, tarıhı qundylyqtardy qasterleý maqsatynda qolǵa alynǵan onkúndiktiń alǵashqy kúni «Elbasy jolymen» ekspedısııasynyń músheleri Elbasy dúnıege kelgen Shamalǵan aýylyndaǵy Tuńǵysh Prezıdenttiń «Atameken» tarıhı-mádenı ortalyǵyna baryp, ult kóshbasshysynyń balalyq shaǵyna saıahat jasap, qyzmettik jolymen tanysyp qaıtty.

Úshqońyr taýynyń etegindegi Shamalǵan aýyly – Nursultan Ábishuly Nazarbaevtyń kindik qany tamǵan meken. Ult kóshbasshysynyń taǵylymdy ómir jolyn óskeleń urpaqqa pash etetin «Atameken» ortalyǵy 2017 jyly boı kótergen. Tarıhı-mádenı ortalyq tórt zaldan turady. Aldymen ýnıversıtet stýdentteri Elbasynyń oqýshy kezinen bastap, eńbekke aralasa bastaǵan sátinen syr shertetin otbasylyq sýretter men birqatar jádigerlerdiń kóshirme nusqalary ornalasqan birinshi zaldan bastady. Bul bólmeden bilim alýshy jastar  Nursultan Nazarbaevtyń balalyq shaǵynda turǵan úıi men oqyǵan mekteptiń maketin tamashalady. Al ekinshisi ekspozısııalyq zal – el tarıhyndaǵy erekshe mańyzǵa ıe «Táýelsizdik kezeńine» arnalady. Munda Elbasy N.Á.Nazarbaevtyń áıgili «Tarıh tolqynynda» eńbeginen alynǵan sıtatalar, táýelsizdik alǵan jyldardaǵy eń basty saıası sheshimder men respýblıka aýqymyn qamtyǵan iri sharalardan kórinister qamtylǵan. Úshinshi zal – elimizdiń áleýmettik-ekonomıkalyq damýyna arnalǵan. Bólmeniń tutas qabyrǵasyna Elbasynyń «Eýrazııa júreginde» eńbeginen alynǵan úzindiler men búgingi Qazaqstannyń damýyn kórsetetin fototoptamalar kóz tartady. Sondaı-aq Qazaqstannyń táýelsizdik jyldaryndaǵy aýyl sharýashylyǵy, óndiris, medısına, sport jáne oqý-bilim men ǵylymdaǵy jetistikteri bar. Ortalyqtyń tórtinshi zaly naǵyz zamanaýı talapqa saı jabdyqtalǵan. Bólmeniń dál ortasynda ǵylymı konferensııa men basqosý jıyndaryna arnalǵan dóńgelek ústel qoıylǵan. Zaldyń sol jaq qabyrǵasyna Elbasynyń TMD elderi basshylarymen, al oń jaq qabyrǵasyna alys-jaqyn shetel basshylarymen túsken sýretter ilingen. Shetel prezıdentteri syıǵa tartqan káde-syılardyń basym bóligin osy zaldan kezdestirýge bolady.  

1

– «Elbasy jolymen» ekspedısııasy Tuńǵysh Prezıdenttiń ómiri men eńbek jolyn tereńinen tanýǵa múmkindik berdi. Osyndaı sapar uıymdastyrǵan ýnıversıtet ujymyna alǵysym sheksiz, – deıdi 3-kýrs stýdenti Jeńisbek Ularbek.

Shara sońynda QazUÝ rektorynyń keńesshisi Málik Otarbaev ortalyq ujymyna alǵys bildirip, ýnıversıtet atynan baǵaly syılyqtar tabys etti.

«Elbasy jolymen» atalǵan ekspedısııaǵa jambyltanýshy ǵalymdar, bilim alýshylar, oqytýshylar men zııaly qaýym ókilderi qatysty. Ár kúnge josparlanǵan baǵdarlama aıasynda Elbasynyń «Uly dala ulaǵattary», Prezıdent Qasym-Jomart Toqaevtyń «On delaet ıstorııý» kitaptaryn talqylaý, «Táýelsizdik – 30» fleshmoby, «Táýelsizdik tolǵaýy» poezııa saǵaty, «Balalyq shaǵymnyń aspany» kıno keshi, «Qazaqstan Táýelsizdigi jáne túrki álemi» halyqaralyq ǵylymı-tájirıbelik konferensııasy, el egemendigine arnalǵan jınaqtardyń tusaýkeser rásimi,  «Elim meniń» jastar pikirtalasy, «Kitap FEST» jármeńkesin ótkizý josparlanyp otyr.

2 

 

ALMATY

Sońǵy jańalyqtar

Ana tilinde oqýdan nege qashady?

Bilim • Búgin, 00:05

Abaı murasy asqaqtady

Abaı • Búgin, 00:04

Ulttyq mereke

Abaı • Búgin, 00:02

Et máselesine ep kerek

Ekonomıka • Búgin, 00:01

Jedel járdem nege keshigedi?

Medısına • Keshe

Ult ustazy jáne Batpaqty mektebi

Ahmet Baıtursynuly • Keshe

Jaýynger jyr

Tanym • Keshe

Talant pen taǵdyr

О́ner • Keshe

Shıpaly sýlar shejiresi

Aımaqtar • Keshe

Tańbaly tanymy

Tanym • Keshe

Sırk

О́ner • Keshe

Uqsas jańalyqtar