Aımaqtar • 02 Jeltoqsan, 2021

Muǵaljar aýdanynda zamanaýı sport kesheni ashyldy

67 ret kórsetildi

Aqtóbe oblysynyń Muǵaljar aýdanynda zamanaýı kópfýnksıonaldy sport kesheni ashyldy. Sport kesheniniń ashylýy QR Tuńǵysh Prezıdenti kúnine oraılastyrylǵan, dep habarlaıdy Egemen.kz.

1800 sharshy metrdi quraıtyn zamanaýı keshen shaǵyn fýtbol, voleıbol, basketbol jáne tennıs alańdaryn, kúres kilemi, boks rıngi jáne eki jolaqty júgirý joldaryn qamtıdy. Qala turǵyndarynyń yńǵaıyna oraı sheshinetin bólmeler men jankúıerlerdiń jyljymaly trıbýnalary da ornatyldy.

Jańa sporttyq mekeme salaýatty ómir saltyn ustanýǵa nıet bildirgender úshin barlyq qajetti qural-jabdyqtarmen jabdyqtalǵan. Olardyń ishinde voleıbol, shaǵyn fýtbol, basketbol doptary, tennıs raketkalary men sharlar bar.

Keshen aýa raıyna qaramastan jyl boıy jumys isteıtin bolady. Ortalyq ankerlik júıeniń kómegimen negizge bekitilgen eki qabatty aýa ótkizbeıtin membranamen jabylǵan. Bul dızaın qys mezgilinde jylýdy, al jazdyń aptap ystyǵynda salqyndyqty saqtaýǵa múmkindik beredi.

1

«Qurmetti Muǵaljar aýdanynyń turǵyndary! Sizderdi Tuńǵysh Prezıdent kúnimen shyn júrekten quttyqtaımyn! Tuńǵysh Prezıdentimizge, sizderge jáne jaqyndaryńyzǵa amandyq, zor densaýlyq jáne baqyt tileımin! Bizdiń Otanymyz - Qazaqstan Respýblıkasy damyp, nyǵaıyp, gúldene bersin! Bizdiń barlyq bastamalarymyz nátıjeli, al bolashaǵymyz jarqyn bolsyn! Búgingi is-sharanyń qatysýshylaryna shyn júrekten sáttilik jáne tabys tileımin. Sizderge jańa rekordtar men laıyqty marapattar tileımin, sport densaýlyǵyńyzdy nyǵaıtyp, qýanysh pen qanaǵat, ózińizge degen senim men baqyt syılasyn», dedi Aqtóbe oblysy ákiminiń birinshi orynbasary Rýslan Hambarov óziniń quttyqtaý sózinde.

Aıta ketsek, bul sport kesheni «Samruk-Kazyna Trust» Áleýmettik jobalardy damytý qorymen ashyldy.

«Bul bizdiń aýqymdy jobamyzǵa bastaý bolatyn alǵashqy is-shara. 2022 jylǵa deıin joba aıasynda 11 óńirde osyndaı sport keshenderiniń ashylýy josparlanýda. Bul bastama kem degende 35 myń adamdy qamtıtyn bolady. Bizdiń qorymyz elimizde buqaralyq sportty damytýǵa úlken kóńil bóledi. Múmkin dál osy jerde bolashaq olımpıada júldegerleri men álem chempıondary tárbıelenetin shyǵar», dedi «Samruk-Kazyna Trust» Qorynyń Bas dırektorynyń orynbasary Serǵoja Qalıasqarov.

1

Sońǵy jańalyqtar

Tozaq qaqpasy

Rýhanııat • Keshe

Eskilik pen estilik

Ádebıet • Keshe

Polısııa: Kadr hám qadir

Qazaqstan • Keshe

Máńgilik saıahatshylar

О́ner • Keshe

Uqsas jańalyqtar