«Búginde elordada 99 elektroavtobýs bar. Qazir qosymsha gaz avtobýstaryn satyp alý máselesin qarastyryp jatyrmyz. Qys mezgili de kelip jetti. Testilik rejımde bir gaz avtobýsyn jalǵa alǵymyz keledi. Onyń tıimdiligin tekserip kórýimiz kerek, óıtkeni bastapqyda qaladaǵy avtobýstar gazda bolýy kerek edi. Qalada gaz bolmaǵandyqtan, dızeldi otynmen júretin avtobýstardy satyp alýǵa týra keldi», dep túsindirdi qalalyq kólik jáne jol-kólik ınfraqurylymyn damytý basqarmasy basshysynyń orynbasary.
Onyń aıtýynsha, gazben júretin avtobýstardyń jaǵymdy tustary kóp. Olar dızelmen júretin avtobýstarǵa qaraǵanda ekologııaǵa zııan keltirmeıdi.
«Qysta mundaı avtobýstardy daladaǵy turaqtarda qaldyrýǵa bolady, sebebi gazdyń qatý temperatýrasy - 120 gradýs. Al olardyń quny elektr avtobýstarynyń qunynan áldeqaıda arzan. Osylaısha, bıýdjetke de úlken júkteme túspeıdi. Bolashaqta elorda aýmaǵynda qoǵamdyq kólikterdi jańartý nusqasyn qarastyrýdamyz, sebebi qalada qatynaıtyn avtobýstardyń 20%-y eskirip qalǵan», dep tolyqtyrdy Erjan Dıhanbaev.
