Búgingi tańda enpf-otbasy.kz platformasyn paıdalanýshylar 43 744 ótinim boıynsha BJZQ-dan jalpy somasy 242 mlrd teńge bolatyn Otbasy banktegi arnaıy shottaryna qarajat túsýin kútýde.
«3 jeltoqsanda qazaqstandyqtardan zeınetaqy artyǵyn paıdalanýǵa 16 000 ótinim kelip tústi. Bul qazaqstandyqtar jyl basynan beri turǵyn úı jaǵdaılaryn jaqsartý jáne emdeý úshin birjolǵy zeınetaqy tólemderin paıdalaný múmkin bolǵan kezde qoıǵan ótinimderdiń sany boıynsha rekordtyq kórsetkish», dep jazady Otbasy bankiniń baspasóz qyzmeti.
Banktiń aqparaty boıynsha, ádettegi kúnderi platforma arqyly kúnine 2 200-ge jýyq ótinim óńdeldi.
Qazaqstandyqtar ózderiniń zeınetaqy artyǵyn qoldanystaǵy ıpotekany tolyq nemese ishinara óteýge, jyljymaıtyn múlikti tolyq satyp alýǵa, páter satyp alý nemese úı salý (jer ýchaskesin satyp alýdy qosa alǵanda) úshin qaryzdy resimdeý úshin bastapqy jarna retinde, satyp alý quqyǵymen jaldaý sharty boıynsha bereshekti óteýge, emdelýge paıdalana alady.
2021 jylǵy 3 jeltoqsandaǵy derekter boıynsha bul múmkindikti 1,68 trln teńge somaǵa 338 499 adam paıdalanǵan.
