«Habar 24» arnasynyń málimetinshe, Onlaın-forým aýyl sharýashylyǵy salasyn jan-jaqty damytýǵa arnalǵan. Onda Qazaqstan, Koreıa, Qyrǵyzstan, Tájikstan jáne Túrikmenstan ókilderi sóz sóılep, pikirlerin ortaǵa saldy.
Professor Lı En Bomnyń aıtýynsha, Koreıa provınsııalarynda jumys kúshi jetispeıdi, al bizdiń respýblıkamyzda adamı resýrs pen keńbaıtaq aýmaq jetkilikti.
«Koreıanyń aýyl sharýashylyǵynda jumys jasaıtyndardyń 45%-y 60 jastan asqan adamdar. Eýropada da dál sondaı jaǵdaı. Jastar aýyl sharýashylyǵy salasynda jumys istegisi kelmeıdi. Ortalyq Azııada jastar kóp. Olardy «aqyldy» fermalarda jumys isteýge tartýǵa bolady. Olar jańa tehnologııalarmen jáne úlken derektermen tanysady. Bul Ortalyq Azııadaǵy «aqyldy» fermalardy damytýǵa kómektesedi», dedi Seýl qalalyq ýnıversıtetiniń professory Lı En Bom.
