Qazaqstan • 15 Jeltoqsan, 2021

Mereke qarsańynda kolleksııalyq monetalar aınalymǵa shyǵady

429 ret kórsetildi

Qazaqstan Ulttyq Banki TÁÝELSIZ QAZAQSTANǴA 30 JYL kolleksııalyq monetalaryn aınalymǵa shyǵarady, dep habarlaıdy Egemen.kz.

Mereke qarsańynda kolleksııalyq monetalar aınalymǵa shyǵady

Nomınaly 5 000 jáne 500 teńgelik kúmisten jáne nomınaly 100 teńgelik melhıordan jasalǵan monetalar «Kórnekti oqıǵalar men adamdar» serııasyn jalǵastyrýda.

TÁÝELSIZ QAZAQSTANǴA 30 JYL monetalarynyń dızaıny asa kórnekti tarıhı tulǵalardyń portrettik beıneleri ornalasqan táýelsiz Qazaqstannyń 1993 jylǵy úlgidegi banknottarynyń birinshi serııasymen sımvoldyq baılanysty kórsetedi. Kompozısııa vızýaldy portrettik qatardy beınelep, memleket tarıhyndaǵy mereıtoılyq kezeńdi logıkalyq túrde aıqyndaıdy.

Kúmisten jasalǵan monetalar altyn jalatý tehnologııasyn, túrli-tústi basyp shyǵarýdy qoldana otyryp jasalǵan. Interferensııalyq ırıdessentti jabý tehnologııasy monetalardyń barlyq túrlerinde qoldanylady. 

Monetalardyń bet jaǵynda (aversinde) nomınal, QUB logotıpi jáne monetanyń metalyn, synamasyn jáne massasyn bildiretin jazý ornalasqan. Shetinde QAZAQSTAN RESPÝBLIKASY • REPUBLIC of KAZAKHSTAN degen jazý oıylǵan.

Monetalardyń syrtqy jaǵynda (reversinde) – Qazaqstan Respýblıkasynyń Memlekettik Týy, Qazaqstan Respýblıkasynyń kartasy, portret qatary, qazaq kıiz úıiniń dekory túrinde oryndalǵan oıý-órnek lentasy men Qazaqstan Táýelsizdiginiń 30 jyldyǵyn merekeleýdiń resmı logotıpi beınelengen.

2

po

Monetalardy aınalymǵa shyǵarý kúni týraly aqparat qosymsha QUB resmı saıtynda habarlanady.

Monetalar:

  • proof sapasymen 925/1000 synamaly kúmisten jasalǵan, salmaǵy 933 gramm (30 Ýnsııa), dıametri 100 mm, nomınaly 5 000 teńge, taralymy 300 dana;
  • proof sapasymen 925/1000 synamaly kúmisten jasalǵan, salmaǵy 31,1 gramm, dıametri 38,61 mm, nomınaly 500 teńge, taralymy 3 000 dana;
  • salmaǵy 15 gramm, dıametri 33 mm, nomınaly 100 teńge, taralymy 30 000 (otyz myń) dana, rrooof-like sapasymen 25 melhıor MN qorytpasynan jasalǵan.

Bul monetalardyń barlyǵy Qazaqstan Respýblıkasynyń búkil aýmaǵynda olardyń belgilengen quny boıynsha tólemderdiń barlyq túrleri boıynsha, sondaı-aq bank shottaryna esepteý úshin jáne Qazaqstan Respýblıkasynyń barlyq bankterinde aýdarý, aıyrbastaý jáne aıyrbastaý úshin qabyldanýǵa mindetti.

Kúmisten jasalǵan monetalar memlekettik, orys jáne aǵylshyn tilderinde QUB nómirli sapa sertıfıkattary bar kádesyı qaptamasynda shyǵarylady.