Qazaqstan • 15 Jeltoqsan, 2021

«Altynqor» medıa portaly iske qosyldy

92 ret kórsetildi

El Táýelsizdiginiń 30 jyldyǵyna oraı QR Aqparat jáne qoǵamdyq damý mınıstrliginiń  qoldaýymen «Qazaqstan» teleradıokorporasııasynyń mádenı murany sıfrlandyrý baǵytyndaǵy biregeı jobasy altynqor.com medıa portaly iske qosyldy, dep habarlaıdy Egemen.kz.

Saıtta qazaq televızııasy altyn qoryndaǵy 1930 jyldardan bergi vıdeo jáne aýdıomaterıaldar, sondaı-aq táýelsizdik  jolyndaǵy  aıtýly tarıhı oqıǵalar toptastyrylǵan.

Medıa portal «Beıneqor», «Aýdıoqor», «Tulǵalar» jáne  «Foto arhıv» bólimderinen turady. Ár bólimde  televızııa jáne radıo ardagerleriniń, qazaq ádebıeti men mádenıeti qaıratkerleriniń suhbattary, estelikteri, jeke arhıvi toptastyryldy.

Elbasy Nursultan Nazarbaevtyń «Rýhanı jańǵyrý» bastamasyn júzege asyrý maqsatynda saıtqa batyrlar jyrynyń  50 nusqasy,  100 kúı, 100 ertegi, syńsý jáne ózge dástúrlerimiz týraly aqparattar engizilgen.

«Beıneqor» bóliminde S.Áshimbaev, Sh.Murtaza, S. Orazalın júrgizgen «Paryz ben qaryz», «Ult jáne sana», «Suhbat» baǵdarlamalarymen qatar,  ár jyldardaǵy «Tamasha», «Halyq qazynasy», «Asyl mura», «Adam izdep júrmin», «Kelesi aıaldama», «Kesh jaryq», «Kúltóbe» syndy 800-den astam bólimnen turatyn 50 telehabarlar sıkly,  «Sovettik Qazaqstan» kınojýrnaly men «Qazaqtelefılm» óndiristik birlestiginiń jobalary bar.

«Tulǵalar» bóliminde K. Ázirbaev, M. Áýezov, S.Muqanov, Ǵ. Músirepov, Ǵ. Mustafın, Á. Tájibaev, Sh. Jıenqulova, K. Baıseıitova, Sh. Aımanov, Sh. Aıtmatov, Q. Myrza Áli syndy tulǵalardyń qatysýymen ár jyldary túsirilgen  beınetoptamalar qamtyldy

«Aýdıoqor» bólimine 1954 jyldan beri saqtalǵan M.Áýezov, S.Muqanov, I.Esenberlın, B.Soqpaqbaev, Ǵ.Músirepov  syndy 100 ult qaıratkeriniń ár jyldary jazylyp alynǵan daýystary bar.

Búginde «Altyn qorda» 110 myńnan astam beıne jáne aýdıomaterıal bolsa, onyń qatary jyl saıyn 1000 materıalmen tolyqtyrylyp otyrady.

Sońǵy jańalyqtar

Qazaqstanda et qymbattady

Qoǵam • Búgin, 15:10

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Uqsas jańalyqtar