Is-sharanyń tvıt-translıasııasyn Aqordanyń @AkordaPress resmı akkaýntynan kórýge bolady. Is-sharanyń jazbasy respýblıkalyq arnalarda saǵat 21:30-da kórsetiledi.
Bıyl Qazaqstan halqy Táýelsizdik kúnin 30-shy ret atap ótýde. Eske sala ketsek, 1991 jyldyń 16 jeltoqsanynda Qazaqstan táýelsiz memleket retinde óziniń jańa tarıhyn jaza bastady. Sol kúni Qazaqstan Respýblıkasynyń Tuńǵysh Prezıdenti - Elbasy Nursultan Ábishuly Nazarbaev «Qazaqstan Respýblıkasynyń memlekettik táýelsizdigi týraly» Konstıtýsııalyq zańǵa qol qoıdy.
Táýelsizdik kúni Qazaqstan Respýblıkasynyń Tuńǵysh Prezıdenti Nursultan Nazarbaev 1991 jylǵy 16 jeltoqsanda qol qoıǵan «Qazaqstan Respýblıkasynyń memlekettik táýelsizdigi týraly», 2001 jylǵy 13 jeltoqsanda qol qoıylǵan «Qazaqstan Respýblıkasyndaǵy merekeler týraly», 2008 jylǵy 25 maýsymdaǵy jáne 2009 jylǵy 22 sáýirdegi ózgeristermen engizilgen Qazaqstan Respýblıkasynyń zańdaryna sáıkes atap ótiledi.
