Táýelsizdiktiń 30 jyldyǵy • 16 Jeltoqsan, 2021

Italııadan jetken «Raýshan»

87 ret kórsetildi

Ulttyq mýzeıde «Shekarasyz mýzeı» ıdeıasynyń sheńberi men Italııa Respýblıkasy jáne Qazaqstan Respýblıkasy arasyndaǵy dıplomatııalyq qarym-qatynastyń 30 jyl­dyǵy aıasyndaǵy «Ita­lııa Respýblıkasynyń Qazaq­stan Táýelsizdiginiń 30 jyl­dyǵymen quttyqtaýy» resmı saltanatty sharasy ótti.

Is-shara barysynda ıtalııalyq zamanaýı sýretshi Lýıza Valentınıdiń «Raýshan» ınstalıasııasy tanystyryldy. Saltanatty rásimde sóz sóı­legen Italııanyń Qazaqstandaǵy Tótenshe jáne ókiletti elshisi Marko Albertı bul týyndynyń tańdalý sebebin tú­sindirdi. «Qazaqstandy Táýel­siz­dik­tiń  30 jyldyq mereıtoıy­men shyn júrekten quttyqtaımyn. «Raý­­shan» ınstalıasııasyn tańdaýy­myz­dyń birneshe sebebi bar. Birin­shiden, raýshan gúli mahabbattan bó­lek senimdi, qurmetti bildiredi. Osy týyn­dy arqyly eki el ara­syn­daǵy baı­lanystyń mańyzyn kórsetkimiz keldi. Sondaı-aq gúldiń jaıqalyp ósýi úshin oǵan erekshe kútim kerek. Endeshe, osy arqyly Italııa men Qazaqstan arasyndaǵy qarym-qatynasymyzdy ilgeriletý úshin ózara baılanysqa erekshe kóńil bólgen jón. Instalıasııa arqyly osyny kórsetkimiz keldi», deıdi Marko Albertı.

Lýıza Valentını – ıtalııalyq jas sýretshiniń biri. Is-sharany uıym­­­­dastyrýshylardyń aıtýynsha, atal­ǵan sýretshini tańdaýdyń da syry bar. О́ıtkeni 30 jyldyq mereı­toı tarıhta az ǵana ýaqyt. Jas ónerpazdyń týyndysy ar­qy­ly Qazaq­stannyń keleshegi jarqyn ekenin kórsetýdi maqsat tutqan.

Qazaqstan 1991 jyly egemendik alǵannan keıin táýelsizdigimizdi moıyn­daǵan alǵashqy elderdiń biri – Italııa. Osy mańyzdy tarıhı oqıǵadan keıin eki el arasynda dıp­lomatııalyq qarym-qatynas ornap, elshilikter ashylǵandyǵy belgili. Búginde bul elshilikter saıası-ekono­mıkalyq, mádenı jáne taǵy basqa qarym-qatynastardy damytý jolynda tabysty qyzmet atqaryp keledi.

Saltanatty rásimge elshiler, bel­gili memleket jáne qoǵam qaırat­kerleri, sondaı-aq shyǵarmashylyq zııa­ly qaýym ókilderi, mýzeı qyz­metkerleri qatysty.

Sońǵy jańalyqtar

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Shýchınskide bazar órtendi

Oqıǵa • Búgin, 09:27

Ań patshasy kóbeıdi

Ekologııa • Búgin, 07:42

Uqsas jańalyqtar