AQSh pen keıbir memleketter qysqy oıyndarǵa dıplomatııalyq boıkot jarııalady. Bul elderdiń saıasatkerleri Qytaıda bolmaıdy, biraq sportshylar jarystarǵa qatysa alady. AQSh-tyń eks-prezıdenti 1980 jyly amerıkandyqtar Máskeý Olımpıadasyna boıkot jarııalaǵanyn eske saldy.
«Joq, óıtkeni muny Djımmı Karterdiń jasaǵanyn kórdim jáne bul óte qorqynyshty boldy. Bul sportshylarǵa úlken soqqy boldy. Biz áldeqaıda kúshti sharalar qabyldaı alamyz. Men AQSh-tyń qatysýyn kórgim keledi. Meniń oıymsha, bizdiń sportshylar barlyq «altyn», «kúmis» jáne «qolany» jeńip alady», dedi Donald Tramp.
7 jeltoqsanda AQSh Beıjińdegi 2022 Olımpıadasyna dıplomatııalyq boıkot jarııalaǵany belgili boldy.
8 jeltoqsanda dıplomatııalyq boıkotqa Ulybrıtanııa da qosyldy. Keıinirek Kanada Beıjiń Olımpıadasyna boıkot jarııalaýǵa sheshim qabyldady.
Aıta ketsek, Beıjińdegi qysqy Olımpıada 2022 jyldyń 4-20 aqpan aralyǵynda ótedi.
