Lázzat Ibragımova 2021 jyly jyljymaıtyn múlikti satyp alý-satý boıynsha mámileler sany 2020 jyldyń kórsetkishterimen salystyrǵanda aıtarlyqtaı óskenin habarlady.
«Búgingi tańda 179192 mámile ıpotekasyz júzege asyryldy, ıaǵnı, bul turǵyn úıdi tolyq satyp alý degendi bildiredi. Zeınetaqy jınaqtaryn paıdalana otyryp turǵyn úı satyp alý boıynsha eń iri mámile 162,4 mln teńge somasynda boldy, ıaǵnı bul premıým-klasty turǵyn úı. Al bul segmenttegi eń kishi mámile shamamen 1 mln teńge somasyna ótti, múmkin bul aýyldyq jerde júrgizilgen mámile bolǵan shyǵar», dedi Lázzat Ibragımova.
Sonymen qatar ol jyljymaıtyn múlik baǵasynyń ósýi tek Qazaqstanda ǵana emes, álemniń kóptegen elderinde baıqalǵanyn jáne oǵan zeınetaqy jınaqtaryn paıdalaný múmkindigi ǵana áser etedi dep aıtýǵa bolmaıtynyn atap ótti.
Onyń aıtýynsha, baǵaǵa ınflıasııalyq úderister men qurylys materıaldarynyń qymbattaýy da áser etedi.
