Jınalys onlaın formatta ótti.
Qala ákimi árbir berilgen tapsyrmany júzege asyrý maqsatynda jumys jospary men júıeli ındıkatorlar ázirlenip, sapaly ári barynsha jyldam oryndalý qajettigin aıtty.
Elimizdiń jańa ekonomıkalyq tuǵyryn qalyptastyrý baǵytynda óńirde atqarylatyn jumystar týraly basqarma basshylary baıandady. Aldymen ekonomıka basqarmasynyń basshysy jappaı tártipsizdik kezindegi qıraǵan ǵımarattar men múlikterdi jedel qalpyna keltirý, ekonomıkany ártaraptandyrý, halyq tabysyn arttyrý, ınflıasııa deńgeıin tómendetý máselesin qozǵady.
Jıyn barysynda qala bıýdjetiniń kiris josparyn arttyrý, jekeshelendirý jumystary jóninde qarjy basqarmasy baıandama jasasa, kásipkerlik salasyn órkendetý, ındýstrıaldy-ınnovasııalyq, shaǵyn jáne orta kásipkerlikti damytý máseleleri týraly Kásipkerlik jáne ındýstrıaldy, ınnovasııalyq damý basqarmasy basshysynyń orynbasary tarqatyp aıtyp berdi.
Megapolıste aýyl sharýashylyq ónimderin óńdeý kásiporyndaryn damytýǵa zor múmkindikterdiń baryn aıtqan qala ákimi azyq-túlik taýarlarynyń baǵasyn turaqtandyrý boıynsha atqarylyp jatqan jumystar esebin tyńdady.
Sonymen birge, jıynda tehnıkalyq mamandyqtarǵa basymdyq berip, ınjenerler men ónerkásipshilerdiń jańa býynyn ósirý, jumyssyzdyq, azamattyq ınstıtýttardyń qyzmetin júıelendirý, koronavırýstyń taralýyna jol bermeý máseleleri de kún tártibine qoıyldy.
Jıyndy qorytyndylaı kele, shahar basshysy basqarma basshylaryna naqty tapsyrmalar berdi. Olar:
- Shaǵyn jáne orta bızneske memlekettik qoldaý sharalaryn kórsetýdiń ashyq jáne barynsha tıimdi mehanızmin ázirleý boıynsha usynys engizý;
- Inflıasııaǵa qarsy áreket etý sharalarynyń keshenin ázirleý;
- Kóktemgi dala jumystaryna qajetti agregattarmen, tuqymmen, tyńaıtqyshpen qamtamasyz etip, egin egý naýqany qatań baqylaýǵa alý;
- Sýbsıdııalaýdyń qol jetimdiligi men ashyqtyǵyn qamtamasyz etý;
- Azyq-túlik tapshylyǵynyń máselesin túbegeıli sheship, áleýmettik mańyzy bar taýarlar baǵasyn turaqtandyrý jumystaryn júrgizý;
- Bilim berý uıymdaryndaǵy kadr tapshylyǵyn joıý;
- «Jastar praktıkasy» jáne «Alǵashqy jumys orny» baǵdarlamalary boıynsha jumyspen qamtýdy uıymdastyryp, olardyń odan ári turaqty jumyspen qamtylýyn baqylaýǵa alý;
- Koronavırýs ınfeksııasynyń aldyn alý, emdeý sharalaryn tıimdi uıymdastyryp, jaǵdaıdy qatań baqylaýǵa alý.
