Sýretti túsirgen Erlan OMAR, «EQ»
Bas prokýratýra taratqan habarlamaǵa sáıkes adam shyǵyny tirkelgen oqıǵalardy tergep-tekserýge erekshe nazar aýdarylyp jatyr. El boıynsha olardyń jalpy sany anyqtalýda. Árbir fakt tıisti quqyqtyq baǵa berý arqyly muqııat tergep-tekseriledi.
Tótenshe jaǵdaı rejimi kezinde jasalǵan quqyq buzýshylyqtar úshin 6 966 ákimshilik is qozǵaý týraly hattamalar toltyryldy, 4 918 adam ártúrli ákimshilik jaýapqa tartyldy, onyń ishinde 1 978 adam qamaqqa alyndy. 791 adamǵa aıyppul salyndy jáne 2 149-y eskertildi. Sottardyń qaraýynda 2048 materıal bar.
Búginde jedel-tergeý toptary 494 qylmys-
tyq isti, onyń ishinde 44 – terrorızm aktileri boıynsha, 34 – jappaı tártipsizdikter boıynsha, 15 adam óltirý jáne basqalary boıynsha tergep jatyr.
Qylmys jasady degen kúdikpen 524 adam ýaqytsha ustaý ızolıatorlaryna qamaldy. Sottyń sanksııasymen 412 adam qamaýǵa alyndy. Qazirgi ýaqytta qajetti tergeý áreketteri júrgizilýde.
Qylmys jasady degen kúdikpen ustalǵandar sottyń sanksııasynsyz 48 saǵattan aspaıtyn merzimge ustalady (QPK-niń 14-babynyń 2-bóligi).
Biraq asa aýyr, terrorıstik nemese ekstremıstik qylmys, jappaı tártipsizdik barysynda, sondaı-aq tótenshe jaǵdaı kezinde qylmys jasady degen kúdikpen 72 saǵattan aspaıtyn merzimge ustaý qarastyrylǵan (QPK-niń 131-babynyń 4-bóligi).
Ákimshilik quqyq buzýshylyqtyń jolyn kesý, ony jasaǵan kúdiktiniń jeke basyn anyqtaý, hattama jasaý jáne ózge maqsattarda 3 saǵatqa deıin ustaýy múmkin.
Eger ákimshilik is qozǵalǵan baptyń sanksııasy jazalaý sharalarynyń biri retinde qamaqqa alýdy kózdeıtin bolsa, onda 24 saǵatqa deıin ustalýy múmkin (ÁQBtK-niń 789-babynyń 3-bóligi).
Komendanttyq saǵattyń engizilýine baılanysty belgilengen tártipti buzýǵa jol bergen adamdar komendanttyq saǵat aıaqtalǵanǵa deıin, al ózimen birge qujattary joq adamdar – olardyń jeke basyn anyqtaǵanǵa deıin, 48 saǵattan aspaıtyn ýaqytqa ustalýy múmkin (ÁQBtK-niń 789-babynyń 2-bóligi).
Bul rette jeke basy anyqtalmaýy sebepti ustalynǵandar sottyń sanksııasymen qabyldaý-taratý oryndaryna ornalastyrylady. Jeke basyn anyqtaǵannan keıin, eger olardyń is-áreketterinde qylmystyq nemese ákimshilik quqyq buzýshylyq belgileri baıqalmasa, olarǵa qandaı da bir sharalar qoldanylmaı, dereý bosatylady.
Bas prokýratýra barlyq jetkizilgen jáne ustalǵan adamdardyń qorǵalýǵa jáne bilikti zań kómegin alýǵa degen konstıtýsııalyq quqyǵy oryndalyp jatqanyn atap ótti.
Azamattar men olardyń ókilderi aýmaqtyq polısııa jáne prokýratýra organdaryna sáıkes aryz berýge quqyly. Árbir ótinish boıynsha tekseris júrgiziledi.
Qazaqstan Respýblıkasynyń Bas prokýratýrasy azamattardy zańdylyqty saqtaýǵa, jalǵan aqparatqa senbeı, resmı aqparat kózderine júginýge shaqyrady.
Sondaı-aq Qazaqstan Respýblıkasy Ulttyq qaýipsizdik komıtetiniń baspasóz qyzmeti habarlaǵandaı, UQK-niń burynǵy tóraǵasy K.Másimovke qatysty memleketke opasyzdyq jasaý faktisi boıynsha sotqa deıingi tergeý jalǵasýda.
Osy istiń sheńberinde bılikti kúshpen basyp alýǵa jáne laýazymdyq ókilettikterin asyra paıdalanýǵa baǵyttalǵan is-áreketter faktileri boıynsha qosymsha sotqa deıingi tergep-tekserýler bastaldy.
Atalǵan qylmystardy jasady degen kúdikpen K.Másimovten basqa UQK tóraǵasynyń burynǵy orynbasary – «A» arnaıy maqsattaǵy qyzmetiniń bastyǵy A.Sadyqulov pen UQK Tóraǵasynyń burynǵy orynbasary D.Erǵojın ustaldy.f
