Taǵaıyndaý • 15 Qańtar, 2022

Erjan Qazanbaev Saýda komıtetiniń tóraǵasy bolyp taǵaıyndaldy

54 ret kórsetildi

Qazaqstan premer-mınıstriniń orynbasary - saýda jáne ıntegrasııa mınıstriniń buıryǵymen Erjan Qazanbaev Qazaqstannyń saýda jáne ıntegrasııa mınıstrligi Saýda komıtetiniń tóraǵasy qyzmetine taǵaıyndaldy, dep habarlaıdy Egemen.kz.

Erjan Qazanbaev 1983 jyly 28 aqpanda Almaty qalasynda dúnıege kelgen.

Almaty tehnologııalyq ýnıversıteti jáne Aberdın ýnıversıtetinde (Ulybrıtanııa) bilim alǵan.

Eńbek jolyn 2008 jyly «Ekspress Bank» AQ komplaens-baqylaýshy retinde bastaǵan.

2009 jyly - «Almatylıft» JShS qarjy máseleleri jónindegi bas dırektory.

2010-2012 jyldary - Qazaqstan Respýblıkasy Ekonomıkalyq damý jáne saýda mınıstrliginiń Investısııalyq saıasat departamentiniń sarapshysy.

2012-2013 jyldary – Qazaqstan Respýblıkasy Ekonomıka jáne bıýdjettik josparlaý mınıstrligi Memleket mindettemelerin basqarý saıasaty jáne qarjy sektoryn damytý departamentiniń basqarma basshysy.

2013-2019 jyldary - Qazaqstan Respýblıkasy Ulttyq ekonomıka mınıstrliginiń Ekonomıka salalaryn damytý departamentiniń orynbasary jáne dırektory.

2019-2020 jyldary - Qazaqstan Respýblıkasy Prezıdenti Ákimshiliginiń Áleýmettik-ekonomıkalyq monıtorıng bólimi meńgerýshisiniń orynbasary.

2020 jyldan bastap - Qazaqstan Respýblıkasynyń saýda jáne ıntegrasııa vıse-mınıstri bolǵan.

Sońǵy jańalyqtar

Uqsas jańalyqtar