Aımaqtar • 18 Qańtar, 2022

Beıbit jınalystarǵa qatysý quqyqqa qaıshy - Almaty oblysy PD basshysy

145 ret kórsetildi

Almaty oblystyq Polısııa departamentiniń bastyǵy Serik Kúdebaev halyqqa vıdeoúndeý joldady, dep habarlaıdy Egemen.kz.



«О́zderińizge belgili, bizdiń oblys aýmaǵynda terrorıstik qaýiptiliktiń «qyzyl» deńgeıi saqtalýda. Sonymen qatar 19 qańtardan bastap qoǵamdyq qaýipsizdikti qamtamasyz etý jáne jedel jaǵdaıdy turaqtandyrý maqsatynda oblystyń barlyq aýmaǵynda «Quqyqtyq tártip» jedel-aldyn alý is-sharasy ótkiziletin bolady.

Sondaı-aq áleýmettik jelilerde keıbir jeke tulǵalar erteń, ıaǵnı 19 qańtarda zańsyz mıtıngiler men sherýlerge qatysýǵa shaqyrýda. Osyǵan baılanysty sizderge mıtıngilerdi uıymdastyrý jáne ótkizý talaby «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» zańymen retteletinin jetkizemin», dedi vıdeojazbada Serik Kúdebaev.

Sonymen qatar departament basshysy mıtıngini uıymdastyrýshylardan jergilikti atqarýshy organdarǵa beıbit jınalystardy uıymdastyrý jáne ótkizý týraly tıisti habarlamalar men ótinishter túspegenin atap ótti.

«Tıisinshe, zańdy buza otyryp júrgiziletin beıbit jınalystardy uıymdastyrý jáne oǵan qatysý quqyqqa qaıshy bolyp tabylady jáne Ákimshilik quqyq buzýshylyq týraly kodekstiń 488-baby boıynsha ákimshilik jaýaptylyqqa ákep soǵady. Eger bul áreketter azamattardyń, uıymdardyń, qoǵamnyń nemese memlekettiń quqyqtary men zańdy múddelerine eleýli zııan keltirýmen qatar júretin bolsa, qylmystyq jaýapkershilik Qylmystyq kodekstiń 400-baby boıynsha kózdeledi», dep tolyqtyrdy Almaty oblysynyń bas polıseıi.

Polısııa departamentiniń bastyǵy halyqty qoldanystaǵy zańnama normalaryn múltiksiz saqtaýǵa, arandatýshylyqqa boı aldyrmaýǵa jáne zańsyz aksııalarǵa qatysýdan bas tartýǵa shaqyrdy.

«Quqyq qorǵaý organdary belgilengen tártipke, qoǵamdyq qaýipsizdikke qol suǵatyn kez kelgen quqyq buzýshylyqtyń jolyn kesedi, sondaı-aq olarǵa jol bermeý jóninde zańda kózdelgen sharalardy qabyldaıdy. Osy jaǵdaılarǵa baılanysty, Kreshenıe hrıstıan merekesin toılaý kezindegi jappaı shomylýdan bas tartýdy usynamyz», dedi Serik Kúdebaev.



 

Sońǵy jańalyqtar

Aldaǵy kúnderi aýa raıy qandaı bolady

Aýa raıy • Búgin, 11:35

Búgingi valıýta baǵamy

Qarjy • Búgin, 09:32

Elimizdiń birqatar oblysynda úsik júredi

Aýa raıy • Búgin, 09:18

Arǵymaqtar alamany

Aımaqtar • Búgin, 08:42

Azııanyń úzdigi dep tanyldy

Sport • Búgin, 08:40

Eki oıyn keıinge shegerildi

Sport • Búgin, 08:37

Jan Joandy jeńdi

Sport • Búgin, 08:34

Jeńilisten kóz ashpaı tur

Hokkeı • Búgin, 08:32

Túrik qyzdary top jardy

Sport • Búgin, 08:30

О́nerpaz órender tánti etti

Aımaqtar • Búgin, 08:25

Basty maqsat – qoǵam dertinen arylý

Ekonomıka • Búgin, 08:23

Sahna sańlaqtary qýanǵan kún

Pikir • Búgin, 08:18

О́ner adamdaryn alqalaý kerek

Pikir • Búgin, 08:15

Kásipkerliktiń áleýeti joǵary

Pikir • Búgin, 08:12

Sheshilýi kerek tórt túıtkil bar

Pikir • Búgin, 08:10

О́ńiraralyq kóshpeli kezdesý ótti

Referendým-2022 • Búgin, 08:05

Assambleıa belsene qatysady

Referendým-2022 • Búgin, 08:02

Uqsas jańalyqtar