Koronavırýs • 19 Qańtar, 2022

Eki aýdanda ekpe baıaý júrýde

62 ret kórsetildi

Qyzylordada oblys ákimi Gúlshara Ábdiqalyqovanyń tóraǵalyǵymen onlaın formatta koronavırýs ınfeksııasynyń taralýyna jol bermeý jónindegi oblystyq jedel shtab otyrysy ótti.

Qazir óńir «qyzyl aımaqta» tur. Sońǵy aptada indet juq­tyr­ǵandardyń táýligine 300-den asyp bara jatqany aımaqta epıdemııalyq jaǵdaıdyń kúr­delene túskenin kórsetedi.

– «Delta» men «omıkron» shtamy taralyp, jaǵdaı aýyrlaı túsýde. Indetti jeńýdiń birden-bir joly – jappaı vaksınalaý jumystaryn jalǵastyrý ekenin umytpaǵan jón. Osy kúni oblysta ekpeniń I komponentin 418 154, ekinshisin 392 943 tur­ǵyn aldy. Al 30 213 adam revaksınalaýdan ótken. Soǵan qara­mastan ahýal aýyrlaı tú­sip otyr. Ásirese, ekpe alýǵa qabiletti jasóspirimderdi vaksınalaý qarqynyn kúsheıtý kerek. Shıeli, Jańaqorǵan aýdandarda ekpe baıaý júrýde, – dedi G.Ábdiqalyqova.

Jıynda oblystyq sanıtar­lyq-epıdemıologııalyq baqy­laý de­par­tamenti basshysynyń min­detin atqarýshy Álııa Ábdi­qaı­ymova ótken jyldyń esepti kezeńimen salystyrǵanda vırýs juqtyrý kórsetkishi 20 esege ósip otyrǵanyn aıtyp ótti.

Oblystyq kásipkerlik jáne týrızm basqarmasynyń basshysy Ferdoýsı Qojabergenov aımaqtaǵy kásipkerlerlik ny­san­darynda Ashyq qosym­shasyn paıdalaný aıasyn ul­ǵaı­tý baǵytyn baıandady. Bú­gin­de oblysta 3 851 nysan osy qosymshamen jumys jasap otyr. Tutynýshylar arasynda túsindirme jumystary jalǵasýda. Oblystyq densaýlyq saqtaý basqarmasynyń basshysy Sábıt Pazylovtyń aıtýynsha, jyl basynan beri oblysta 1 800-den astam turǵyn indet juqtyrǵan. Iri oshaq – Qyzylorda qalasynda. Aýdandar arasynan Shıeli men Jańaqorǵanda vırýsqa shaldyqqandar sany kóptep tirkelip otyr.

О́tken jyldyń sońynda saıa­byrsyp qalǵan vırýstyń qaıta kóbeıýine baılanysty óńir basshysy ınfeksııalyq stasıonarlardaǵy tósektik oryn sanyn kóbeıtý qajettigin es­ke saldy. Búginde 535 tósek-oryn ázirlengen. Qajettilikke qaraı onyń sanyn 3 200-ge deıin arttyrýǵa múmkindik bar. Sonymen qatar 142 mobıldi top úı jaǵdaıynda qyzmet kórse­týde. Al emhanalarda 21 ahýal­dyq ortalyq jumys istep tur.

Jıynda oblystyq bilim basqarmasynyń basshysy Aqzı­ra Qasymova oqýshylar arasynda indettiń taralý jıiligine baılanysty usynystar aıtty. Oblys ortalyǵyndaǵy bala sany 600-den asatyn mektepter onlaın oqýǵa kóshse, aýyldyq mektep shákirtteri oflaın bilim alady. Sondaı-aq qashyqtan oqıtyn mektepterdegi 1-2 synyp oqýshylaryn dástúrli format boıynsha oqytqan jón.

Shtab otyrysyn qorytyndy­laǵan aımaq basshysy jaýapty salalyq basqarma men departament basshylaryna, qala jáne aýdan ákimderine naqty tapsyrma júktedi. Monıtorıngtik toptar jumysyn jandandyryp, turǵyndar arasynda revak­sınalaýdy kúsheıtý kerek. Tap­syrmaǵa sáıkes oblystyq den­saýlyq saqtaý, bilim basqar­ma­lary men sanıtarlyq-epı­de­­mıologııa­lyq baqylaý depar­ta­men­­ti qala, aýdandar boıynsha KVI-ge qarsy vaksınalaý júrgizý jónindegi jumystardy úılestiretin kýratorlar ta­ǵaıyn­dap, jasóspirimderge ek­pe salýdyń is-shara josparyn ázirleýge tıis.

 

Qyzylorda oblysy

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar